19.09.2024 | 12:24
ԼՂ հայերի վերադարձի իրավունքն ամրագրվել է Արդարադատության միջազգային դատարանի կողմից․ ՀՀ-ում Ֆրանսիայի դեսպան
Զելենսկին հայտնել է Սև ծովում ցորենով բեռնված նավին հրթիռային հարվածի մասին
Քաղաքականություն
12.09.2024 | 21:35
Ուկրաինայի նախագահ Վլադիմիր Զելենսկին հայտարարել է, որ ռուս զինվորականները Սև ծովում հրթիռային հարված են հասցրել Եգիպտոսի համար նախատեսված ցորենով բեռնված նավի վրա, փոխանցում է BBC-ի ռուսական ծառայությունը։
«Այսօր Սև ծովում հարձակում է եղել սովորական քաղաքացիական նավի վրա Ուկրաինայի տարածքային ջրերը լքելուց անմիջապես հետո։ Նախնական տվյալներով, բարեբախտաբար, զոհեր և վիրավորներ չկան։ Մենք սպասում ենք աշխարհի արձագանքին։ Ցորենը և պարենային անվտանգությունը երբեք չպետք է թիրախ լինեն հրթիռների համար»,- գրել է Զելենսկին Telegram-ում՝ հրապարակելով լուսանկար։
Նա հիշեցրել է, որ Ուկրաինան պարենային անվտանգության հիմնական «գլոբալ դոնորներից» է։
Ավելի վաղ հարվածի մասին հայտնել էին ուկրաինական ոչ պաշտոնական ալիքները։
Ռուս զինվորականները չեն մեկնաբանել Սև ծովում բեռնատար նավին հարվածելու մասին լուրերը։
