06.08.2026 | 15:35
Սալահը դարձել է Թուրքիայի ամենաբարձր վարձատրվող ֆուտբոլիստը. ավելի շատ աշխատավարձ, քան «Լիվերպուլում»
Կրասնոդարում ձերբակալվել է գործարար Սուրեն Գրիգորյանը՝ ՌԴ ՊՆ-ից հափշտակության մեղադրանքով
Քաղաքականություն
12.09.2024 | 17:51
Կրասնոդարում ոստիկանությունը բերման է ենթարկել «ՏԿ-Պրոգրես» ընկերության գլխավոր տնօրեն Սուրեն Գրիգորյանին։ Նա կասկածվում է Կրասնոդարի բարձրագույն զինվորական դպրոցի կուրսանտների հանրակացարանի վերակառուցման ժամանակ ավելի քան 7,2 մլն ռուբլի հափշտակելու մեջ, գրում է Կոմերսանտը։
Ձեռնարկատերը կալանավորվել է առանձնապես խոշոր չափերով խարդախության քրեական գործի շրջանակում (ՌԴ Քրեական օրենսգրքի 159-րդ հոդվածի 4-րդ մաս)։
Իրավապահ մարմիններում ՏԱՍՍ-ի զրուցակիցը նշել է, որ ձեռնարկատիրոջը բերման են ենթարկել ՆԳՆ տնտեսական անվտանգության գլխավոր տնօրինության աշխատակիցները Քրեական օրենսգրքի 91-րդ հոդվածով՝ մինչև խափանման միջոցի ընտրությունը։ Այժմ «խուզարկություններ են կատարվում ձերբակալվածի բնակության և աշխատանքի վայրերում»։
Հետաքննության տվյալներով՝ բարձրագույն ռազմական դպրոցի կուրսանտների համար նախատեսված հանրակացարանի վերակառուցումն ավարտելու նախագծի պետական պատվիրատուն եղել է Ռուսաստանի Պաշտպանության նախարարությունը։ Պայմանագիրը կնքվել է 2020 թվականի օգոստոսի 25-ին։ 2023 թվականին Սուրեն Գրիգորյանը, գործող հանցավոր խմբի կազմում ձեռք բերված նախնական համաձայնությամբ, ընդունման վկայականներում դիտավորյալ կեղծ տեղեկություններ է մուտքագրել կատարված աշխատանքի մասին։ Իրականում աշխատանքն անավարտ է եղել:
Նշվում է, որ «ՏԿ-Պրոգրես» ՍՊԸ-ն աշխատանքի համար ստացել է ավելի քան 7 միլիոն ռուբլի, որն ընկերության գլխավոր տնօրենն ու այլ անձինք տնօրինել են իրենց հայեցողությամբ:
