08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
Գնալով ավելի շատ ուկրաինացիներ են սատարում ՌԴ-ի հետ բանակցությունների գաղափարը. WSJ
Քաղաքականություն
10.09.2024 | 17:50
Հասարակական կարծիքի հարցումները ցույց են տալիս, որ ավելի ու ավելի շատ ուկրաինացիներ են պաշտպանում Ռուսաստանի հետ հակամարտությունը դադարեցնելու համար խաղաղ բանակցություններ վարելու գաղափարը, գրում է The Wall Street Journal-ը (WSJ):
Պարբերականի հրապարակման համաձայն՝ այս գաղափարի ամենաքիչ կողմնակիցները զինվորականներն են։
Մասնավորապես, վերջին հարցումներից մեկը ցույց է տվել, որ մարտական գործողությունների վետերանների և ակտիվ զինվորականների միայն 18%-ն է կարծում, որ Ուկրաինան պետք է ձգտի հակամարտությունը դադարեցնել բանակցությունների միջոցով: Սա հետազոտության ցանկացած դեմոգրաֆիկ խմբի ամենացածր ցուցանիշն է:
Զինվորականների 15%-ը հայտարարել է, որ պատրաստ է զինված բողոքի ցույցերի, եթե Ուկրաինայի իշխանությունները ստորագրեն խաղաղության պայմանագիր, որի հետ իրենք համաձայն չեն լինի։
WSJ-ը գրում է, որ ուկրաինացի զինվորականները թերահավատություն են հայտնել հակամարտության դադարեցման վերաբերյալ։ Նրանցից շատերը համոզված են, որ Ռուսաստանը ռազմական գործողությունների ընդմիջումը կօգտագործի միայն բանակը վերազինելու, այնուհետև նորից ներխուժելու համար, ասվում է հոդվածում։
Բայց չնայած հասարակությունը շարունակում է թերահավատորեն վերաբերվել ռուսական կողմի հետ գործարքներին, հարցումները ցույց են տալիս, որ շատերը, հատկապես երիտասարդները, «պատրաստ են ընդունել անկատար խաղաղություն՝ պատերազմը դադարեցնելու համար», նշում է պարբերականը։
