11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Դուրովը հրաժարվել է ՌԴ-ի և ԱՄԷ-ի դիվանագիտական օգնությունից
Քաղաքականություն
06.09.2024 | 15:28
Տելեգրամի հիմնադիր Պավել Դուրովը հրաժարվել է դիվանագիտական օգնությունից, որը նրան առաջարկել են Ռուսաստանն ու Արաբական Միացյալ Էմիրությունները՝ այն բանից հետո, երբ նա ձերբակալվել է Ֆրանսիայում։ Այս մասին հայտնում է Politico-ն՝ վկայակոչելով ֆրանսիացի պաշտոնյայի, փոխանցում է Meduza-ն։
«Նա հրաժարվել է Ռուսաստանի հյուպատոսական պաշտպանությունից և ԱՄԷ-ի հյուպատոսական այցից, սակայն համաձայնել է, որ ԱՄԷ դեսպանատունը տեղյակ լինի իր հետ կապված իրավիճակի մասին»,- ասել է պաշտոնյան:
ԱՄԷ դիվանագիտական ծառայության աշխատակիցը հաստատել է, որ դիվանագետները կապի մեջ են ինչպես Ֆրանսիայի իշխանությունների, այնպես էլ Պավել Դուրովի ներկայացուցիչների հետ։
Ֆրանսիայում Ռուսաստանի դեսպանատունը հրապարակման պահին տեղեկությունը չի մեկնաբանել։
Դուրովը մի քանի երկրների քաղաքացի է. ունի ՌԴ-ի, ԱՄԷ-ի, Ֆրանսիայի և Կարիբյան կղզիներում գտնվող Սենթ Քիթս և Նևիս պետության քաղաքացիություն։
Օգոստոսի 24-ին Փարիզում ձերբակալությունից հետո Ֆրանսիայում ՌԴ դեսպանատունը պահանջել էր ռուս դիվանագետներին հյուպատոսական մուտքի հնարավորություն տալ ձերբակալվածի հետ։ ՌԴ ԱԳՆ պաշտոնական ներկայացուցիչ Մարիա Զախարովան էլ ասել էր՝ քանի որ Դուրովը Ֆրանսիայի քաղաքացիություն ունի, պաշտոնական Փարիզը նրան առաջին հերթին համարում է Ֆրանսիայի քաղաքացի։
