16.12.2025 | 13:11
ԵՄ-ն ՀՀ-ին 20 մլն եվրո կտրամադրի. Հունգարիայի վետոն վերացվել է
Հռոմն աջակցում է ՀՀ-ի և Ադրբեջանի հարաբերությունների կարգավորմանը՝ ընդգծելով ԵՄ-ի դերակատարումը․ Իտալիայի վարչապետ
06.09.2024 | 11:41
Իտալիայի վարչապետ Ջորջիա Մելոնին Ադրբեջանի նախագահ Իլհամ Ալիևի հետ նախօրեին տեղի ունեցած հանդիպման վերաբերյալ մանրամասներ է հայտնել X-ի իր միկրոբլոգում։
Նա նշել է, որ զրույցը հաստատել է երկու երկրների միջև գործընկերության ռազմավարական բնույթը և պատրաստակամությունը՝ շարունակելու խորացնել համագործակցությունը հետաքրքրություն ներկայացնող բոլոր ոլորտներում, այդ թվում՝ հաշվի առնելով Ադրբեջանի նախագահությունը COP29-ում, որը կկայանա նոյեմբերին Բաքվում։
«Ես նաև ցանկանում եմ վերահաստատել Իտալիայի հավատարմությունը կովկասյան տարածաշրջանի կայունությանն ու բարգավաճմանը և աջակցությունը Հայաստանի ու Ադրբեջանի միջև հարաբերությունների կարգավորմանը կայուն խաղաղության հասնելու նպատակով՝ ընդգծելով, թե ինչպես է Եվրամիության դերը հանդիսանում այս ճանապարհի անբաժանելի մասը և ինչպես ԵՄ-ի հետ համագործակցությունը կարող է նոր հնարավորություններ բացել ողջ տարածաշրջանի համար նաև կապի առումով։ Հանդիպումը նաև թույլ տվեց խորը քննարկում անցկացնել միջազգային օրակարգի հիմնական թեմաների շուրջ։ Հանդիպման ավարտին ENI-ն և SOCAR-ը ստորագրել են փոխըմբռնման երեք հուշագիր՝ էներգետիկ անվտանգության, ջերմոցային գազերի արտանետումների կրճատման և կենսավառելիքի արտադրության ոլորտներում»,- նշել է Մելոնին։
