06.06.2026 | 15:33
Հողամասը կանցնի պետությանը․ Հակակոռուպցիոն դատարանը բավարարել է Դատախազության հայցը
Նորայր Փանոսյանն իմ սանիկը լինելու պատճառով 4.5 տարի է` դատարանում է. Հրայր Թովմասյան. ՏԵՍԱՆՅՈՒԹ
Հասարակություն
02.09.2024 | 20:37
«Հուլիսի 22-ից սկսած` դատարանի գործողություններն ինձ մոտ հիմնավոր կասկած են հարուցում, որ այն գործողությունները, որ կատարվում են, այնքան էլ լեգիտիմ նպատակ չեն հետապնդում», – այսօր իր գործով դատական նիստի ընթացքում հայտարարեց Սահմանադրական դատարանի դատավոր Հրայր Թովմասյանը` միևնույն ժամանակ արձանագրելով, որ մինչ այդ իր գործի քննությունն ընթացել է փոխադարձ հարգանքի, կառուցողական մթնոլորտում:
Հիշեցնենք, որ դատավոր Տաթևիկ Գրիգորյանը Թովմասյանի գործից առանձնացրել է նրա սանիկ Փանոսյանի գործը, ապա նիստերից մեկով, որին պաշտպանները ներկա չեն եղել, Թովմասյանին է հեռացրել նիստերի դահլիճից ու նրա համար հանրային պաշտպան ներգրավել: Իսկ օգոստոսի 30-ին տեղի ունեցած դատական նիստին էլ դատավորը Թովմասյանին բերման ենթարկելու որոշում է կայացրել:
Անդրադառնալով Փանոսյանի գործին՝ Թովմասյանը նշեց, որ նրա գործը 4,5 տարի քննությունից հետո պետք է նորից սկսվի:
«4,5 տարի է` Նորայր Փանոսյանն իմ սանիկը լինելու պատճառով դատարանում է»,- ասաց Թովմասյանը:
Անդրադառնալով այն հարցին, թե ինչու է դեմ արտահայտվել իր գործով նիստի տեսանկարահանմանը, Թովմասյանը նշեց՝ «օրվա իշխանություններն իր գործը դատարան ուղարկելու շրջանում ցանկանում էին իրեն տեսնել մեղադրյալի աթոռին»:
Անդրադառնալով այն հարցին, որ դատավորն իրեն բերման ենթարկելու որոշում է կայացրել, նա դիտարկեց, որ
բերման ենթարկելը անձին ազատությունից զրկել է, ապա հիշեցրեց դատավորի, այդ թվում` Սահմանադրական դատավորի անձեռնմխելիության ինստիտուտի մասին, նշեց, որ ՍԴ դատավորն իր լիազորությունների իրականացման կապակցությամբ առանց Սահմանադրական դատարանի համաձայնության չի կարող զրկվել ազատությանից` բացառությամբ, երբ նա բռնվել է հանցանք կատարելու պահին կամ դրանից անմիջապես հետո:
Մանրամասները` տեսանյութում
Արաքս Մամուլյան
