30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելում համընդհանուր գործադուլ է հայտարարվել՝ ՀԱՄԱՍ-ի հետ պատանդների ազատ արձակման վերաբերյալ համաձայնություն ձեռք բերելու պահանջով
Քաղաքականություն
02.09.2024 | 12:46
Իսրայելի խոշորագույն արհմիությունների ֆեդերացիան՝ «Հիստադրութը», սեպտեմբերի 2-ին հայտարարել է համընդհանուր գործադուլի մասին։ Մասնակիցները պահանջում են, որ երկրի իշխանությունները քայլեր ձեռնարկեն՝ անհապաղ ազատ արձակելու ՀԱՄԱՍ-ի կողմից պահվող իսրայելցի պատանդներին, փոխանցում է Current Time-ը։
Արհմիությունների դաշնության ղեկավար Ահարոն Բար-Դավիթը հայտարարել է, որ, իր կարծիքով, Իսրայելի իշխանությունները հետաձգում են ՀԱՄԱՍ խմբավորման հետ պայմանավորվածությունները «քաղաքական պատճառներով»։ Ակնկալվում է, որ գործադուլի շրջանակում կդադարեցնեն աշխատանքը Բեն Գուրիոնի միջազգային օդանավակայանը, համալսարանները, դպրոցներն ու մանկապարտեզները, պետական և քաղաքային հաստատությունները, արդյունաբերական ձեռնարկությունները, որոշ առևտրի կենտրոններ մասամբ կփակվեն։ Բուժհաստատությունները կհերթապահեն հանգստյան օրերի օրինակով։
Կիրակի հաղորդվել էր, որ իսրայելցի զինվորականները Գազայի հատվածում հայտնաբերել են ՀԱՄԱՍ-ի զինյալների կողմից առևանգված 6 պատանդների մարմինները։
