Արհեստական բանականությունը մտնելու է դպրոց. ապաքաղաքական զրույց Սերոբ Խաչատրյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է կրթության փորձագետ Սերոբ Խաչատրյանը: Նրա կարծիքով՝ բարձրաձայն կարդալու մշակույթը, որը գալիս է անտիկ շրջանից և պահպանվել էր մինչև 20-րդ դարի կեսերը, կարևոր է մարդկանց մտածողությունը զարգացնելու համար: Պատճառը պարզ է՝ բարձրաձայն կարդալու դեպքում աշխատում է նաև լսողությունը, և նյութն ավելի լավ է յուրացվում:

Խոսելով հիշելու մեխանիզմների մասին՝ փորձագետը կարծիք է հայտնում, որ անկախ այսօրվա բազմաթիվ տեխնիկական հնարավորություններից՝ հիշողությունը պետք է մարզել, որովհետև մարդը կարող է մտածել միայն այն բաների մասին, որոնք հիշում է: Հիշելու և «զուբրիտի» (սերտելու) միջև տարբերությունն այն է, ու առաջին դեպքում նեյրոնային կապեր են ստեղծվում արդեն գոյություն ունեցող «պաշարի» հետ, իսկ երկրորդ դեպքում այդ կապը չկա, և տեղեկությունը մոռացվում է:

Հռոմեացի փիլիսոփա Սենեկան խորհուրդ էր տալիս կարդալ միայն «ճանաչված հեղինակների» ստեղծագործություններ: Հաղորդման հյուրն այդ խորհրդի հետ համաձայն է: Սերոբ Խաչատրյանը ներկայացնում է հետևյալ տեսությունը. Արիստոտելն իր գործերը գրել է 25 դար առաջ, և քանի որ մարդիկ դրանք առայսօր կարդում են, հավանականություն կա, որ կարդալու են ևս 25 դար: 5 տարի առաջ գրված ստեղծագործությունը, եթե կարդացվում և վերահրատարակվում է այսօր, ապա, ենթադրաբար, նրա կյանքը 10 տարի է: Առաջին հավանականությունն ավելի մեծ է, քան երկրորդը:

Մանրամասները՝ տեսանյութում:

Արամ Աբրահամյան