22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
ԵՄ հետախուզական ծառայությունները նախազգուշացրել են նորվեգական գազային հանքավայրերի վրա հարձակման՝ ՌԴ պլանների մասին
Քաղաքականություն
27.08.2024 | 16:35
Եվրոպական յոթ երկրների հետախուզության աշխատակիցները նորվեգական էներգետիկ ընկերությունների ղեկավարության հետ քննարկել են գազային և նավթային ենթակառուցվածքներին ուղղված Ռուսաստանից հնարավոր սպառնալիքները, գրում է EurActiv-ը։
Հանդիպումը տեղի է ունեցել օգոստոսի 26-ին, որին մասնակցել են Նորվեգիայի, Գերմանիայի, Բելգիայի, Նիդերլանդների, Ֆինլանդիայի, Շվեդիայի և Իսլանդիայի անվտանգության ծառայությունները, ինչպես նաև Եվրոպայի խոշորագույն գազ մատակարարող Equinor-ի ներկայացուցիչներ։
«Մենք տեսնում ենք զարգացող իրավիճակ, որն ազդում է ոչ միայն Գերմանիայի կամ Նորվեգիայի գործընկերների, այլև բոլորիս վրա: Սա վտանգ է, որը բխում է որոշ գործընկերներից, օրինակ՝ Ռուսաստանից, որը ներառում է ոչ միայն լրտեսական գործողություններ, այլ նաև դիվերսիաների վտանգ որոշ տարածքներում»,- ասել է Գերմանիայի Սահմանադրության պաշտպանության դաշնային գրասենյակի փոխնախագահ Սինան Սելենը։
Նորվեգիայի հետախուզական ծառայությունների ներկայացուցիչները կարծում են, որ Մոսկվան կարող է «հարմար համարել» Նորվեգիայում ֆիզիկական դիվերսիաներ իրականացնելը, որոնց հիմնական թիրախը նավթային հատվածն է։
«Ռուսաստանը երկար դիմակայության մեջ է Արևմուտքի հետ, և սա ռեժիմ է, որը պատրաստ է մեծ ռիսկի դիմել: Թեև մենք դեռ չենք տեսել Նորվեգիայում գործելու պլանների կոնկրետ ապացույցներ, խելամիտ է զգույշ լինել և բարձրացնել անվտանգության մակարդակը»,- ասել է Նորվեգիայի հետախուզական ծառայության ղեկավար, փոխծովակալ Նիլս Անդրեաս Ստենսունեսը:
