23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
Մյասնիկյան պողոտայում մոտոցիկլետը բախվել է բետոնե արգելապատնեշին․ վարորդը տեղում մահացել է
Հասարակություն
12.08.2024 | 20:46
Օգոստոսի 12-ին՝ ժամը 15:48-ին, Ճգնաժամային կառավարման ազգային կենտրոն ահազանգ է ստացվել, որ Երևանի Մյասնիկյան պողոտայում՝ Կենդանաբանական այգու մոտակայքում, տեղի է ունեցել ՃՏՊ՝ բախվել են մոտոցիկլետը և ավտոմեքենան․ կա տուժած։
ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Պարզվել է, որ Մյասնիկյան պողոտայի թիվ 27 հասցեի մոտակայքում Honda մակնիշի մոտոցիկլետը (վարորդ՝ Ա․ Խ․, ծնված 1993 թ.) դուրս է եկել ճանապարհի երթևեկելի հատվածից և բախվել բետոնե արգելապատնեշին․ վարորդը տեղում մահացել է:
Փրկարարները սահմանազատել են տարածքը և հոսանքազրկել մոտոցիկլետը:
