11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մեծ Բրիտանիան և Եգիպտոսն ավիաընկերություններին կոչ են անում խուսափել Իրանի և Լիբանանի օդային տարածքից
Քաղաքականություն
08.08.2024 | 12:43
Մեծ Բրիտանիայի իշխանությունները խորհուրդ են տվել իրենց ավիաընկերություններին խուսափել Լիբանանի օդային տարածքից։ Ավելի վաղ էլ Եգիպտոսն էր իր ավիաընկերություններից պահանջել է հինգշաբթի գիշերը երեք ժամով խուսափել Իրանի օդային տարածքից, գրում է VOA-ն։
Երկու երկրների իշխանությունների կողմից արված առաջարկությունները հնչել են աճող մտահոգությունների ֆոնին, որ հակամարտությունը կարող է սրվել տարածաշրջանում ՀԱՄԱՍ-ի և «Հըզբոլլահ»-ի զինված խմբավորումների բարձրաստիճան անդամների սպանությունից հետո: Շատ ավիաընկերություններ ամբողջ աշխարհում վերանայում են իրենց որոշումները, որպեսզի խուսափեն Իրանի և Լիբանանի օդային տարածքներից, ինչպես նաև չեղարկում են Իսրայել ու Լիբանան չվերթները։
Հակամարտությունների գոտիներով թռչելը քաղաքացիական ավիացիայի համար լուրջ մարտահրավեր է դարձել այն բանից հետո, երբ տասը տարի առաջ Ուկրաինայի երկնքում խոցվեց Malaysia Airlines-ի ինքնաթիռը: Ինքնաթիռում գտնվող բոլոր 298 մարդիկ զոհվեցին։
Եգիպտոսի քաղաքացիական ավիացիայի նախարարությունն ավելի ուշ հաստատել է, որ հարցումն ուղարկվել է ռիսկերը նվազեցնելու համար՝ հաշվի առնելով Իրանի իշխանություններից ստացված ծանուցումը: Ծանուցման մեջ նշվել է, որ Իրանի օդային տարածքում օգոստոսի 7-ին՝ ժամը 11:30-ից 14:30-ը, և օգոստոսի 8-ին՝ ժամը 4:30-ից մինչև 7:30-ը, տեղի կունենան զորավարժություններ:
Եգիպտական ավիաընկերություններն արդեն իսկ խուսափել են Իրանի օդային տարածքից։ Նոր հրահանգը վերաբերում է բոլոր եգիպտական փոխադրողներին, ներառյալ՝ չարտերային օպերատորներին և այլ փոքր ավիաընկերություններին, ասել է OPSGROUP-ի հիմնադիր Մարկ Զին, որը տեղեկատվություն է հրապարակում թռիչքների հետ կապված ռիսկերի մասին:
