17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Քրեական օրենսգրքի անընդհատ կատարելագործումը դեռևս չի նշանակում որակ․ Գևորգ Կոստանյան․ ՏԵՍԱՆՅՈՒԹ
Քաղաքականություն
06.09.2018 | 13:38
Ազգային ժողովի պատգամավոր Գևորգ Կոստանյանը խորհրդարանի իր գործընկերներին հուշում է, որ ընտրակաշառք տալ և ստանալը քրեականացվել է դեռևս 2015 թվականի ավարտին, ուստի այլ հարց է, որ ցանկացած ընտրություններին հաջորդող շրջանում առաջ են գալիս խնդիրներ, որոնք լրացուցիչ կարգավորումների կարիք են զգում, հետևաբար, Կառավարության կողմից առաջարկվող փոփոխությունները դիտարկում է հենց այս համատեքստում։
«Այն, ինչ մենք քննարկել ենք ԱԺ պետաիրավական հանձնաժողովում, եղել են դասագրքային ճշմարտություններ, որպեսզի բանավեճի մեջ չմտնենք։ Ես եկել եմ այն եզրակացության, որ ընտրակեղծարարությունը անընդհատ քրեականացնելը, Քրեական օրենսգրքի անընդհատ կատարելագործումը դեռ չի նշանակում, որ կա որակ, հետևաբար, կա իրավակիրառման խնդիր։ Այս դեպքում ես հույս եմ հայտնում, որ առաջարկվող փոփոխությունները, երբ կատարվեն, դրանք կդառնան իրավական փաստաթուղթ՝ իրավակիրառ պրակտիկայում բացառելու և կանխարգելելու ընտրակեղծարարությունը»,- ասաց Գևորգ Կոստանյանը։
Մանրամասները՝ տեսանյութում։
