16.03.2026 | 11:01
«Թել-Սել»-ի բոլոր վճարամիջոցներով վերականգնվել են «Յուքոմ» ծառայությունների դիմաց վճարումները
Ադրբեջանն ու Ղազախստանը պատրաստվում են ռազմական հետախուզության ոլորտում համաձայնագիր կնքել
Քաղաքականություն
25.07.2024 | 16:16
Ադրբեջանն ու Ղազախստանը ծրագրում են փոխանակվել ահաբեկչական և ծայրահեղական կազմակերպությունների վերաբերյալ ռազմական հետախուզական տվյալներով, գրում են ադրբեջանական լրատվամիջոցները՝ վկայակոչելով ղազախական ԶԼՄ-ներին։
Ռազմական հետախուզության ոլորտում Ղազախստանի և Ադրբեջանի միջև համագործակցության մասին համաձայնագրի նախագծի քննարկումը տևելու է մինչև օգոստոսի 6-ը։
Նախագծի համաձայն՝ կողմերը մտադիր են նաև համատեղ մարտական պատրաստության միջոցառումներ իրականացնել պաշտպանության նախարարությունների անձնակազմի համար։
«Վեճերն ու տարաձայնությունները լուծվում են փոխադարձ բանակցությունների և խորհրդակցությունների միջոցով առանց որևէ ազգային, միջազգային դատարան կամ երրորդ կողմի ներկայացնելու»,- ասված է համաձայնագրի նախագծում։
Նշվում է նաև, որ ռազմական հետախուզության համաձայնագիրը կնքվում է 5 տարի ժամկետով, և եթե կողմերից մեկը որոշի խզել այն, ապա պարտավոր է այդ մասին տեղեկացնել առնվազն 6 ամիս առաջ։
