01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Գրող և լրագրող Միխայիլ Զիգարը հեռակա դատապարտվել է 8,5 տարվա ազատազրկման՝ Բուչայում սպանությունների մասին գրառման համար
Քաղաքականություն
23.07.2024 | 17:28
Մոսկվայի Բասմանի դատարանը հեռակա դատավճիռ է կայացրել գրող և լրագրող Միխայիլ Զիգարի՝ ռուսական բանակի մասին «կեղծիքներ» տարածելու համար քրեական գործով (Քրեական օրենսգրքի 207.3-րդ հոդվածի 2-րդ մասի «ե» կետ): Դատավոր Եվգենյա Կոզլովան նրան դատապարտել է 8,5 տարվա ազատազրկման ընդհանուր ռեժիմի գաղութում, հայտնում է Mediazona-ն։
Քրեական հետապնդման առիթ է հանդիսացել Բուչա քաղաքում ուկրաինացի խաղաղ բնակիչների սպանությունների մասին գրառումը Instagram-ում։
«Բուչան Կիևի արբանյակ քաղաքն է, որտեղից ռուսական զորքերը հեռացան և ամենուր թողեցին խաղաղ բնակիչների դիակներ, որոնցից շատերը ձեռքերը կապած մեջքի հետևում: Իսկ վերապրածները խոսում են զանգվածային բռնաբարությունների մասին»,- ասվում է հրապարակման մեջ։
Զիգարի փաստաբան Իլնուր Շարապովը դատարանում բանավեճի ժամանակ պնդել է, որ լրագրողի մեղքն ապացուցված չէ, իսկ Բուչայի դեպքերը հետաքննվել և հաստատվել են ՄԱԿ-ի կողմից։
Դատավոր Կոզլովան չի ցանկացել լսել այս փաստարկները՝ ասելով. «Մենք չենք հետաքննում Բուչա քաղաքում տեղի ունեցած իրադարձությունները»։ Mediazona-ն նշում է, որ դատարանից ընդամենը 13 րոպե է պահանջվել դատավճիռը կայացնելու համար։
