01.11.2024 | 18:38
Իսպանիայում ջրհեղեղի զոհերի թիվը հասել է 208-ի. կան անհայտ թվով կորածներ
Գերմանիան 10 մլն եվրո կհատկացնի Կիևի մանկական «Օխմատդետ» հիվանդանոցի վերականգնման համար
Քաղաքականություն
17.07.2024 | 16:41
Գերմանիան Ուկրաինային 10 մլն եվրո է հատկացնում հուլիսի 8-ին ռուսական հարձակման հետևանքով մասամբ ավերված Կիևի մանկական «Օխմատդետ» հիվանդանոցը վերականգնելու համար, գրում է DW-ի ռուսական ծառայությունը։
«Մենք չպետք է ընդունենք և չենք հաշտվի այն փաստի հետ, որ Ուկրաինայում քաղցկեղով հիվանդ երեխաների բուժման այս վայրն այլևս գոյություն չունի»,- ասել է Գերմանիայի տնտեսական համագործակցության և զարգացման նախարար Սվենյա Շուլցը Rheinische Post թերթին տված հարցազրույցում։
Հատկացված գումարը, այլ դոնորների և ներդրողների միջոցների հետ միասին, կուղղվի հիվանդանոցն արագ աշխատանքային վիճակի վերադարձնելու և շենքը ձմռանը շահագործման նախապատրաստելու համար։ Խոսքը, մասնավորապես, հիվանդանոցի ճակատամասի, բուժման սենյակների, ինչպես նաև էլեկտրաէներգիայի և ջերմային մատակարարումների վերանորոգման և պահպանման մասին է։
Շուլցը նշել է, որ մանկական հիվանդանոցի ավերումը ցույց է տալիս, թե «որքան անխիղճ ու անմարդկային կերպով է Ռուսաստանը վարում այս ագրեսիվ պատերազմը»։ Նա հավելել է, որ Ուկրաինա ռուսական լայնամասշտաբ ներխուժումից «ամենից շատ» տուժում են երեխաները։
Հիվանդանոցը, «մեծ հավանականությամբ, խոցվել է ռուսական X-101 հրթիռով»։ Այս եզրակացությանն են եկել ՄԱԿ-ի Մարդու իրավունքների գրասենյակի փորձագետները, ովքեր վերլուծել են տեսագրությունները և տեղում ուղղակիորեն ուսումնասիրել վնասը։ Ըստ վերջին տվյալների՝ հարձակման հետևանքով 2 մարդ զոհվել է, 32-ը՝ վիրավորվել։
Ուկրաինայի անվտանգության ծառայությունը հիվանդանոցին հարվածի վայրում հայտնաբերել է ռուսական X-101 հրթիռի բեկորներ։
