07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
Թեհրանը հայտնել է, որ Իրանում Ադրբեջանի դեսպանատունն աշխատանքը կվերսկսի 15-20 օրվա ընթացքում
Քաղաքականություն
09.07.2024 | 17:54
Իրանում Ադրբեջանի դեսպանատունն աշխատանքը կվերսկսի առաջիկա 15-20 օրվա ընթացքում։ Այս մասին հայտնել է Իրանի ԱԳՆ Եվրասիայի գլխավոր վարչության ղեկավար Մուջթաբա Դեմիրչիլուն, գրում են ադրբեջանական լրատվամիջոցները։
«Ակնկալվում է, որ Թեհրանում Ադրբեջանի դեսպանությունն աշխատանքը կվերսկսի առաջիկա 15-20 օրվա ընթացքում»,- ասել է նա։
Դիվանագետը նաև նշել է, որ պաշտոնական Թեհրանը դեռևս Ադրբեջանում Իրանի նոր դեսպան չի նշանակել։ Նրա խոսքով՝ դեսպանի նշանակման հարցը կդիտարկվի երկրում նոր կառավարության ձևավորումից հետո։
Հիշեցնենք, որ 2023 թվականի հունվարի 27-ին Իրանում Ադրբեջանի դեսպանատան վրա զինված հարձակման հետևանքով 1 մարդ էր զոհվել, երկուսը՝ վիրավորվել։ Պաշտոնական Բաքուն դեսպանատան վրա իրականացված հարձակումն «ահաբեկչություն» էր որակել։ Միջադեպից հետո Բաքուն տարհանել էր Թեհրանում Ադրբեջանի դեսպանատան աշխատակիցներին, և այս պահին դեսպանատան գործունեությունը դադարեցված է։
