06.10.2024 | 14:36
Նոր հնարավորություն ստարտափների համար. «Աքսելերացիոն ծրագրին» մասնակցության հայտերի վերջնաժամկետը հոկտեմբերի 7-ն է
Քիր Սթարմերը՝ Մեծ Բրիտանիայի նոր վարչապետ
Քաղաքականություն
05.07.2024 | 16:36
Չարլզ III թագավորի հետ հանդիպումից հետո Լեյբորիստական կուսակցության առաջնորդ Քիր Սթարմերը դարձել է Մեծ Բրիտանիայի վարչապետ և կարող է ձևավորել մեծամասնության կառավարություն, գրում է AP-ն։
Նա դարձել է ձախ կենտրոնամետ կուսակցության առաջին առաջնորդը, որը հաղթել է Մեծ Բրիտանիայի ազգային ընտրություններում Թոնի Բլեերից հետո, որը երեք անընդմեջ հաղթանակ է տարել 1997 թվականից սկսած:
Նորանշանակ վարչապետն առաջին ելույթն է ունեցել Դաունինգ Սթրիթի 10 հասցեում՝ որպես Մեծ Բրիտանիայի կառավարության նոր առաջնորդ։ Նա ելույթը սկսել է՝ շնորհակալություն հայտնելով իր նախորդին՝ Ռիշի Սունակին, հավելելով, որ «փոփոխության գործն անմիջապես սկսվում է»։
Հիշեցնենք, որ Սթարմերի գլխավորած Լեյբորիստական կուսակցությունը Մեծ Բրիտանիայի արտահերթ խորհրդարանական ընտրությունների արդյունքներով Համայնքների պալատում մեծամասնություն է ձևավորել։
