07.10.2026 | 23:48
Արթուր Դանիելյանը կալանավորվեց
ՈՒԵՖԱ-ն պաշտոնապես հայտնել է թուրք ֆուտբոլիստին երկու խաղով որակազրկելու մասին
05.07.2024 | 16:21
ՈւԵՖԱ-ն պաշտոնապես երկու խաղով որակազրկել է Թուրքիայի ազգային հավաքականի ֆուտբոլիստ Մերիհ Դեմիրալին՝ ֆուտբոլային հանդիպման ժամանակ աջ ծայրահեղական «Գորշ գայլերի» նշանը ցույց տալու համար, գրում է DW-ն։
ՈւԵՖԱ-ն հայտարարել է, որ պատժամիջոցներ է կիրառել Դեմիրալի նկատմամբ «վարքագծի ընդհանուր սկզբունքները չկատարելու, պարկեշտ վարքագծի հիմնարար կանոնները խախտելու, սպորտային միջոցառումները ոչ սպորտային վարքագծի համար օգտագործելու և ֆուտբոլի հեղինակությունը վնասելու համար»:
Դեմիրալը բաց կթողնի Անգլիայի կամ Շվեյցարիայի դեմ հնարավոր կիսաեզրափակիչը, եթե շաբաթ Թուրքիան հաղթի Նիդերլանդներին․ այս խաղին նույնպես նա չի մասնակցի:
Ավելի վաղ գերմանական Bild-ը, իր աղբյուրներին վկայակոչելով, հայտնել էր, որ թուրք ֆուտբոլիստին ՈւԵՖԱ-ն 2 խաղով որակազրկելու է։ Թուրքիայի ֆուտբոլի ֆեդերացիան նախօրեին հայտարարել էր, թե ազգային հավաքականի խաղացող Մերիհ Դեմիրալին 2 խաղով որակազրկելու մասին լուրերը չեն համապատասխանում իրականությանը։ «Bild-ում հրապարակված լուրերն այն մասին, թե «Մերիհ Դեմիրալը ՈՒԵՖԱ-ի կողմից 2 խաղով որակազրկվել է», չի արտացոլում իրականությունը։ Մենք մինչև վաղն առավոտ ժամանակ ունենք պաշտպանվելու»,- ասվում էր TFF-ի հայտարարության մեջ։
