14.01.2026 | 15:00
Վաշինգտոնում հայ գերիների հարցն է քննարկվել // Տեր Ասողիկ աբեղան ՔԿ հարցաքննության է կանչվել․ ԼՈՒՐԵՐ
Թուրքիայի ֆուտբոլի ֆեդերացիան հերքել է Դեմիրալին երկու խաղով որակազրկելու մասին տեղեկությունները
05.07.2024 | 14:29
Թուրքիայի ֆուտբոլի ֆեդերացիան նախօրեին (TFF) հայտարարել է, որ ազգային հավաքականի խաղացող Մերիհ Դեմիրալին 2 խաղով որակազրկելու մասին լուրերը չեն չեն համապատասխանում իրականությանը։
«Bild-ում հրապարակված լուրերն այն մասին, թե «Մերիհ Դեմիրալը ՈՒԵՖԱ-ի կողմից 2 խաղով որակազրկվել է», չի արտացոլում իրականությունը։ Մենք մինչև վաղն առավոտ ժամանակ ունենք պաշտպանվելու»,- ասվում է TFF-ի հայտարարության մեջ։
Թուրքիայի նախագահականի Ապատեղեկատվության դեմ պայքարի կենտրոնի տնօրինությունը նույնպես հերքել է տեղեկությունը։
«ՈՒԵՖԱ-ի կողմից Մերիհ Դեմիրալի դեմ սկսված հետաքննությունը դեռ չի ավարտվել, և այն պնդումը, որ նա երկու խաղով որակազրկվել է, իրականությանը չի համապատասխանում: ՈւԵՖԱ-ն պաշտպանություն է խնդրել մեր ազգային հավաքականի ֆուտբոլիստ Մերիհ Դեմիրալից, հետաքննության որոշումը կկայացվի պաշտպանությունից հետո։ Մի՛ հավատացեք չհիմնավորված պնդումներին»,- ասվում է հայտարարության մեջ։
Ավելի վաղ գերմանական Bild-ը, իր աղբյուրներին վկայակոչելով, հայտնել էր, որ թուրք ֆուտբոլիստին ՈւԵՖԱ-ն 2 խաղով որակազրկել է՝ ծայրահեղ ազգայնական «Գորշ գայլերի» խորհրդանիշը ցուցադրելու համար։
ՈՒԵՖԱ-ն ավելի վաղ հայտնել էր, որ հետաքննություն է սկսել Թուրքիայի հավաքականի պաշտպան Մերիհ Դեմիրալի կողմից ծայրահեղ ազգայնական «Գորշ գայլեր» կազմակերպության նշանը ցուցադրելու հետ կապված։
Էմմա Չոբանյան
