09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Էրդողանը չեղարկել է Շուշի այցը․ նա կմեկնի Գերմանիա՝ աջակցելու Թուրքիայի հավաքականին
Քաղաքականություն
04.07.2024 | 15:51
Թուրքիայի նախագահ Ռեջեփ Թայիփ Էրդողանը չեղարկել է իր մասնակցությունը Արցախի հայաթափված Շուշի քաղաքում նախանշված Թյուրքական պետությունների կազմակերպության ոչ պաշտոնական գագաթնաժողովին։ Նա մտադիր է անձամբ ներկա գտնվել հուլիսի 6-ին Բեռլինում կայանալիք ֆուտբոլի Եվրոպայի առաջնության քառորդ եզրափակչի Թուրքիա-Նիդերլանդներ խաղին։ Այս մասին հայտնում է թուրքական A Haber-ը։
Նշվում է, որ այն բանից հետո, երբ ՈւԵՖԱ-ն Թուրքիայի հավաքականի ֆուտբոլիստ Մերիհ Դեմիրալի նկատմամբ հետաքննություն է սկսել նեոֆաշիստական «Գորշ գայլերի» նշանը ցույց տալու համար, Էրդողանը «որոշել է չեղարկել հուլիսի 6-ին Ադրբեջանում կայանալիք Թուրքական պետությունների կազմակերպության գագաթնաժողովի ծրագիրը և մեկնել Գերմանիա՝ բարձրացնելու քաղաքացիների ոգին և ցույց տալու, որ իրենց կողքին է»։
ՈՒԵՖԱ-ն ավելի վաղ հայտնել էր, որ սկսել է հետաքննություն Թուրքիայի հավաքականի պաշտպան Մերիհ Դեմիրալի կողմից ծայրահեղ ազգայնական «Գորշ գայլեր» կազմակերպության նշանը ցույց տալու հետ կապված։
Հավելենք նաև, որ հուլիսի 5-6-ին Ադրբեջանը պատրաստվում է Շուշիում անցկացնել Թյուրքական պետությունների կազմակերպության ոչ պաշտոնական գագաթնաժողովը, որին իր մասնակցությունն ավելի վաղ հաստատել էր նաև Էրդողանը։
Էմմա Չոբանյան
