23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Իսրայելի բանակը հաստատել է Լիբանանում հարձակում սկսելու օպերատիվ պլանները
Քաղաքականություն
19.06.2024 | 11:55
Իսրայելի պաշտպանության բանակի Հյուսիսային ռազմական շրջանի հրամանատար, գեներալ Օրի Գորդինը և Գլխավոր շտաբի օպերատիվ տնօրինության ղեկավար Օդեդ Բասյուկը հաստատել են Լիբանանի վրա հարձակման դեպքում օպերատիվ պլանները։ Այս մասին ասվում է Իսրայելի պաշտպանության բանակի (IDF) հայտարարության մեջ։
Որոշում է կայացվել նաև շարունակել տեղում զորքերի մարտունակության բարձրացումը։
Հայտարարությունն արվել է Իսրայելի հյուսիսային շրջանների վրա «Հըզբոլլահ»-ի (ԱՄՆ-ում և մասամբ՝ ԵՄ-ում ահաբեկչական ճանաչված) և Լիբանանում նրա դաշնակից պաղեստինյան խմբավորումների կողմից Իսրայելի հյուսիսային շրջանների վրա կրկնվող հարձակումների ֆոնին, գրում է The Times of Israel-ը։
Իսրայելի արտգործնախարար Իսրայել Կացը հայտարարել է, որ լիբանանյան «Հըզբոլլահ» խմբավորման ղեկավար շեյխ Հասան Նասրալլան սպառնում է հարձակվել Հայֆայի նավահանգստի վրա, որը կառավարվում է Չինաստանից և Հնդկաստանից միջազգային ընկերությունների կողմից։
«Մենք շատ մոտ ենք «Հըզբոլլահ»-ի և Լիբանանի վերաբերյալ կանոնները փոխելու որոշում կայացնելու կետին: Համապարփակ պատերազմի ժամանակ «Հըզբոլլահ»-ը կկործանվի, իսկ Լիբանանը մեծապես կտուժի: Իսրայելը գին կվճարի ռազմաճակատում և թիկունքում, բայց ուժեղ և միացյալ ազգի ու Իսրայելի պաշտպանության բանակի հզորության միջոցով մենք կվերականգնենք հյուսիսի բնակիչների անվտանգությունը»,- գրել է Կացը X-ում:
