17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ԱԺ-ի շենքի մոտ բախումներից տուժած 8 քաղաքացի շարունակում է մնալ բուժհաստատությունում
14.06.2024 | 12:34
Ազգային ժողովի շենքի մոտ հունիսի 12-ին ոստիկանների և ցուցարարների միջև տեղի ունեցած բախումների հետևանքով տուժած քաղաքացիներից մեկը վիրահատվել է, նրա վիճակը գնահատվում է բավարար։
«Արմենպրես»-ի հաղորդմամբ՝ այս մասին լրագրողների հետ ճեպազրույցի ընթացքում ասաց ՀՀ առողջապահության նախարար Անահիտ Ավանեսյանը։
Նախարարը նշեց, որ այս պահին բուժհաստատություններում գտնվում է բախումներից տուժած 8 քաղաքացի։
«Մեկ վիրահատված պացիենտի վիճակը բավարար է գնահատվում, ստանում է համապատասխան բուժօգնություն, մյուսներն էլ, կարծում եմ՝ մեկ-երկու օրվա ընթացքում դուրս կգրվեն»,- հայտնեց Ավանեսյանը։
Նախարարը տեղեկացրեց, որ դեռ չի հասցրել այցելել բուժառուներին, սակայն անպայման կայցելի նրանց։
Դիտարկմանը, թե ինչպե՞ս նախարարին կընդունեն բուժառուները, հաշվի առնելով, որ նրանք հիվանդանոցում են գտնվում քաղաքական բախումների հետևանքով, Անահիտ Ավանեսյանը նշեց, որ այս երեք տարիների ընթացքում բոլորն իրեն միշտ լավ են ընդունել։
