22.02.2026 | 14:22
Իրանում վերսկսվել են բողոքի ցույցերը. ակցիաներ են անցկացվել երկրի մի քանի բուհերում
Բաղրամյան պողոտայից ոստիկանության պահպանվող հատուկ տարածք մեքենաներ չեն տարվել․ ՆԳՆ
Հասարակություն
12.06.2024 | 11:42
«Տավուշը հանուն հայրենիքի» շարժման ֆեյսուբքյան էջը հայտնում է, որ ոստիկանությունը հատուկ տարհանման մեքենաներով հեռացնում է Բաղրամյան պողոտայում կայանված ավտոմեքենաները: Ըստ գրառման՝ Բաղրամյանում կայանված մեքենաների մի մասը պատկանում է ցուցարարներին, որոնք գտնվում են իրենց մեքենաների մոտ:
Ներքին գործերի նախարարությունից Factor.am-ին փոխանցեցին, որ ոստիկանության պահպանվող հատուկ տարածք մեքենաներ չեն տեղափոխվել։
«Խնդիրներ է եղել, մի քանի մեքենա մի քանի մետր հեռացվել է»,- ասաց ՆԳՆ մամուլի քարտուղար Նարեկ Սարգսյանը։
Հիշեցնենք, որ «Տավուշը հանուն հայրենիքի» շարժումն այսօր ժամը 15։00-ին Բաղրամյան-Դեմիրճյան խաչմերուկում հավաք է նախատեսում։
Անի Թամրազյան
