24.04.2026 | 19:41
Թրամփը ապրիլքսանչորսյան ուղերձում չօգտագործեց «ցեղասպանություն» եզրույթը
Ոսկեպարում ականի պայթյունից սահմանապահ է վիրավորվել
Հասարակություն
06.06.2024 | 13:24
Factor.am-ի տեղեկություններով՝ Տավուշի մարզի Ոսկեպար վարչական շրջանում Սուրբ Աստվածածին եկեղեցու հարակից տարածքում ծառայություն իրականացնելիս ականի պայթյունից սահմանապահ է վիրավորվել։ Ոտնաթաթի հատվածում վիրավորում ստացած սահմանապահին տեղափոխել են Նոյեմբերյանի բժշկական կենտրոն։ Հիվանդանոցից, սակայն, մեզ չհաջողվեց տեղեկություն ստանալ։ Դեպքի վերաբերյալ առայժմ չի հաջողվել պարզաբանում ստանալ նաև ԱԱԾ-ից։
Հիշեցնենք, որ մայիսի 24-ից Հայաստանի Ազգային անվտանգության ծառայության սահմանապահ զորքերը պաշտոնապես ստանձնել են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
Պետական սահմանի Կիրանց բնակավայրի 5,8 կմ հատվածի պահպանությունը, մինչև 2024 թվականի հուլիսի 24-ը, կիրականացվի անցումային սխեմայով:
Միևնույն տրամաբանությամբ, Ադրբեջանի Հանրապետության կողմից սահմանային հանդիպակաց հատվածների պահպանությունը մայիսի 24-ից իրականացվումէ Ադրբեջանի պետական սահմանապահ ծառայության ստորաբաժանումների կողմից։
