16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Լույս» դաշինքի կազմակերպած դրամահավաքը քաղաքակիրթ մոտեցում է՝ քաղաքականապես անկախ լինելու համար․ Արամ Սարգսյան
Քաղաքականություն
29.08.2018 | 19:32
Ազգային ժողովի «Ելք» խմբակցության պատգամավոր Արամ Սարգսյանը, որն այսօր մասնակցում էր «Լույս» դաշինքի կազմակերպած դրամահավաքին, նշեց, որ նման դրամահավաքի կազմակերպումը քաղաքակիրթ մոտեցում է՝ քաղաքականապես անկախ լինելու համար։
«Շատ ուրախ եմ այստեղ մասնակցություն ունենալու համար, այն ներդրումը, որը կանեք, շատ կարևոր է, բայց առավել կարևոր է ձեր մասնակցությունը քարոզարշավի գործընթացին։ Մենք էլ կանենք ամեն բան, որ այս քարոզարշավի ընթացքը ձանձրալի չլինի և նորանոր քաղաքական անհատների ի ցույց կդնենք»,-ասաց Արամ Սարգսյանը՝ ընդգծելով, որ նոր ավագանու ընտրությունից հետո «Լույս» դաշինքի թիմն է՛լ ավելի լավ է աշխատելու։
Արամ Սարգսյանը նկատեց, որ «Լույս» դաշինքն ունի ավագանու այնպիսի թեկնածուներ, որոնց մի մասն արդեն աշխատել է լավագույնս, իսկ Երևանի ավագանու ընտրություններին պատրաստվող նոր թիմը կներկայանա ավելի ուժեղ, կառուցողական ու լուսավոր նպատակներով։
