14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
ԱՄՆ պետքարտուղարը հավանություն է տվել Իսրայելի հրադադարի առաջարկին
Քաղաքականություն
03.06.2024 | 10:37
ԱՄՆ պետքարտուղար Էնթոնի Բլինքենը բարձր է գնահատել Գազայի հատվածում հրադադար հաստատելու Իսրայելի առաջարկը։ Իսրայելի պաշտպանության նախարար Յոավ Գալանտի և շտաբի պետ Բենի Գանցի հետ հեռախոսազրույցում Բլինքենը գովաբանել է Իսրայելին զինադադարի պատրաստակամության համար և կոչ է արել արմատական պաղեստինյան ՀԱՄԱՍ շարժմանը անհապաղ աջակցել Իսրայելի նախաձեռնությանը, գրում է DW-ի ռուսական ծառայությունը։
ԱՄՆ նախագահ Ջո Բայդենը անսպասելիորեն հայտարարել է, որ Իսրայելը պատրաստ է համապարփակ համաձայնագիր կնքել Գազայի հատվածում զինադադար հաստատելու և իսրայելցի պատանդներին ազատելու բանակցություններում։ Բայդենը նախաձեռնությունն անվանել է «մշտական հրադադարի և բոլոր պատանդների ազատ արձակման ճանապարհային քարտեզ»:
Միացյալ Նահանգները, Կատարը և Եգիպտոսը, որոնք երկար ամիսներ հանդես են գալիս որպես միջնորդ Իսրայելի և ՀԱՄԱՍ-ի միջև, երեկ կոչ են արել հակամարտության երկու կողմերին համաձայնության գալ հրադադարի շուրջ՝ հիմնվելով Բայդենի հայտարարած իսրայելական ծրագրի վրա։
