07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Բռնության «թուլատրելիության» և կեղծ էլիտաների մասին. ապաքաղաքական զրույց Մխիթար Գաբրիելյանի հետ․ ՏԵՍԱՆՅՈՒԹ
Հաղորդաշարեր
02.06.2024 | 21:00
Factor TV-ի A-Politic հաղորդաշարի հյուրն է ազգագրագետ Մխիթար Գաբրիելյանը: Նրա կարծիքով, կանանց «էմանսիպացիայի» (ազատագրման) խնդիրն այն ձևով, որ դրվել էր 20 կամ 30 տարի առաջ, այլևս կորցրել է իր սրությունը, բայց այժմ առաջացել են այլ խնդիրներ: Օրինակ՝ այն, որ գյուղերում կանայք ավոտեքենա են վարում, հաճախ պայմանավորվում է ոչ թե «էմանսիպացիայով», այլ նրանով, որ «խոպան» գնացած ամուսինները հատուկ են մեքենա գնել, որպեսզի կայանք տաքսի չնստեն և չշփվեն «օտար» տաքսիստների հետ:
Ազգագրաետն ընդհանուր առմամբ համաձայն է, որ վերջին մի քանի տասնամյակների ընթացքում երեխաների նկատմամբ բռնությունը պակասել է: Սական կա նաև հետևյալ միտումը․ հաճախ ծնողներն արդարացնում են իրենց «խստությունը» երեխաների հանդեպ՝ դա հիմնավորելով նրանով, որ հասարակությունը, պետությունը պատնեշներ չեն ստեղծում այսօր տարածված ախտերի (մասնավորապես, թմրամոլության) դեմ, և նրանք իրենց պատկերացրած «խստություններով» փորձում են լրացնել այդ բացը:
Մխիթար Գաբրիելյանը համաձայն չէ այն պնդումների հետ, թե իբր մենք ապրում ենք «ինքնությունների քայքայման» ժամանակաշրջանում: Ըստ նրա, կոնկրետ Հայաստանում առայժմ չի էլ ձևակերպվել, թե ինչ է «ինքնությունը», «պետությունը», «հայրենիքը»՝ կեղծ էլիտաներն այդ կատեգորիաներն օգտագործում են կամայականորեն: Եվ քանի դրանք «բանաձևվված» չեն, հնարավոր չէ խոսել «քայքայման» կամ «զարգացման» մասին:
Մանրամասները՝ տեսանյութում:
