24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Արևմտյան դաշնակիցներից չափազանց երկար Ժամանակ է պահանջվում Կիևին աջակցության վերաբերյալ որոշումներ կայացնելու համար․ Զելենսկի
Քաղաքականություն
21.05.2024 | 16:41
Արևմտյան դաշնակիցներից չափազանց երկար ժամանակ է պահանջվում՝ Կիևին ռազմական աջակցության վերաբերյալ կարևոր որոշումներ կայացնելու համար: Այս մասին Reuters-ին տված հարցազրույցում հայտարարել է Ուկրաինայի նախագահ Վլադիմիր Զելենսկին։
Նա կոչ է արել ՆԱՏՕ-ի երկրներին՝ օգնել խոցել ռուսական թիրախներն Ուկրաինայի երկնքում և թույլատրել արևմտյան զենքի օգտագործումը ռուսական ռազմական տեխնիկայի դեմ, որը կենտրոնացված է Ռուսաստանի տարածքում՝ սահմանին մոտ։ Զելենսկին ասել է, որ բանակցություններ է վարում իր գործընկերների հետ այդ հարցի շուրջ, սակայն այդ քննարկումներն արդյունք չեն տվել։
Ըստ Զելենսկիի՝ Ուկրաինային զենքի մատակարարումների վերաբերյալ որոշումները հետաձգվում են մոտ մեկ տարով։ Եթե Կիևն ավելի վաղ ստանար Patriot հակաօդային պաշտպանության համակարգերը, ապա կարող էր կանխել ռուսական բազմաթիվ հարձակումները էներգետիկ և ենթակառուցվածքային օբյեկտների վրա, պնդել է նա։
Ուկրաինայի ղեկավարը նաև ընդգծել է, որ ուկրաինական զինված ուժերին պակասում է մոտավորապես 120-130 F-16 կործանիչ՝ ռուսական օդուժին դիմակայելու համար։
Զելենսկին վստահություն է հայտնել, որ եթե ՆԱՏՕ-ի ինքնաթիռները խոցեն ռուսական հրթիռները՝ դրանով իսկ պաշտպանելով Ուկրաինայի խաղաղ բնակչությանը, դա չի դիտարկվի որպես ռազմական դաշինքի երկրների ներգրավում Ռուսաստանի հետ պատերազմի մեջ։
