02.10.2026 | 22:27
Ռուսաստանը ցանկանում է Կիևին, Խարկովին և Օդեսային զրկել էլեկտրաէներգիայից և ջեռուցումից․ NYT
Կարծես ափոսանք է հայտնում, որ ՀՀ-ում զարգացումները հաջողություն չեն ունենում․ Խանդանյանը՝ Զախարովային. ՏԵՍԱՆՅՈՒԹ
Քաղաքականություն
17.05.2024 | 16:14
ՔՊ-ն Բագրատ Սրբազանի հետ հանդիպելու օրակարգ չունի, նրա հետ հանդիպելու առաջարկ չի եղել, այս մասին ԱԺ-ում լրագրողների հետ ճեպազրույցում ասաց ՔՊ պատգամավոր, Արտաքին հարաբերությունների մշտական հանձնաժողովի նախագահ Սարգիս Խանդանյանը։
«Այն օրակարգը, որ դուք ասացիք, որևէ քննարկման չի կարող դրվել, որովհետև ՀՀ քաղաքացիներն իրենց ընտրությամբ ձևավորել են խորհրդարան, իշխանություն։ Հայաստանում իշխանությունները կարող են փոխվել լեգիտիմ ճանապարհով` ընտրություններով, դրանք 2026 թվականին են, ՀՀ վարչապետը Նիկոլ Փաշինյանն է»,- հայտարարեց նա։
Ինչ վերաբերում է «Տավուշը հանունին հայրենիքի» շարժման իրականացրած բողոքի ակցիաներին, պատգամավորը նշեց․ «3 տարի է՝ գարնան ջերմային ֆոնին, երբ եղանակը բացվում է, ընդդիմությունը տարբեր դեմքերով փորձում է պրոցեսներ գեներացնել երկրի ներսում, դրանք անհաջողության են մատնվում, քանի որ քաղաքական բովանդակություն չունեն և քաղաքացիներին այլընտրանք չեն առաջադրում»։
Մանրամասները՝ տեսանյութում։
