07.10.2026 | 10:36
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Խորվաթիայում առգրավված Պուտինի կնքահոր՝ Վիկտոր Մեդվեդչուկի զբոսանավը պաշտոնապես անցել է Ուկրաինայի իրավասությանը
Քաղաքականություն
15.05.2024 | 21:44
Royal Romance զբոսանավը, որը պատկանել է ուկրաինացի նախկին պատգամավոր, ՌԴ նախագահ Վլադիմիր Պուտինի կնքահայր Վիկտոր Մեդվեդչուկին, պաշտոնապես անցել է Ուկրաինայի իրավասությանը։ Այս մասին հայտնում է Ուկրաինայի ակտիվների հետագծման և կառավարման գործակալությունը (ARMA), փոխանցում է Current Time-ը:
Նավը ստացել է Ուկրաինայի պետական դրոշով նավարկելու իրավունքի վկայական։ Ուկրաինայի ծովային և ներքին ջրային տրանսպորտի ու նավագնացության պետական ծառայության ղեկավար Եվգենի Իգնատենկոն ասել է, որ սա «Ուկրաինայի պատմության մեջ արտերկրում գտնվող առաջին առգրավված ակտիվն է», որը պետական գրանցում է ստացել Ուկրաինայում։
92 մետրանոց Royal Romance զբոսանավը Խորվաթիայի իշխանություններն առգրավել են 2022 թվականի մարտին։ Այս տարվա հունվարին Խորվաթիայի դատարանը որոշել է նավը հանձնել Ուկրաինայի իշխանություններին, որոնք մտադիր են վաճառել այն։
