23.11.2024 | 00:30
«Արևմտյան Ադրբեջանը» մեզ է գրգռում, բա չե՞նք մտածում, որ «Արևմտյան Հայաստանն» էլ ուրիշներին է գրգռում. Փաշինյան. ՏԵՍԱՆՅՈՒԹ
ՀՀ սպառողների պաշտպանության մասին օրենսդրությունը կհամապատասխանեցվի ԵՄ ստանդարտներին․ ՄՊՀ նախագահ
Հասարակություն
13.05.2024 | 10:40
Մրցակցության պաշտպանության հանձնաժողովի նախագահ Գեղամ Գևորգյանը Գդանսկում մասնակցել է «Սպառողների պաշտպանության և օրենսդրության կիրարկման միջազգային ցանց» (ICPEN) կազմակերպության համաժողովին և բարձր մակարդակի հանդիպմանը․ տեղեկացնում են ՄՊՀ։
Հայաստանի մրցակցային մարմնի ղեկավարը մասնակցել է շուկայում գորշ պատկերների միջոցով անբարեխիղճ մրցակցության դրսևորումների և դրանց դեմ արդյունավետ պայքարի վերաբերյալ պանելային քննարկմանը, որի ընթացքում ներկայացրել է տաքսի ծառայությունների մատուցման էլ. հարթակներում, առցանց վիճակախաղերի և շահումով խաղերի, առաքումների կազմակերպման և զեղչերի ոլորտներում Մրցակցության պաշտպանության հանձնաժողովի բացահայտած դեպքերը:
Համաժողովի շրջանակում տեղի է ունեցել բարձրաստիճան ներկայացուցիչների մասնակցությամբ քննարկում, որի ընթացքում ՄՊՀ նախագահը հանդես է եկել ելույթով՝ ներկայացնելով մարդկային ռեսուրսների և կիրակման գործիքակազմերի կառավարման Հայաստանի փորձը:
Գեղամ Գևորգյանը շեշտել է, որ Հայաստանն այսօր սպառողների շահերի պաշտպանության առումով շատ կարևոր փուլում է գտնվում. քննարկումներ են ընթանում ՀՀ սպառողների պաշտպանության մասին օրենսդրությունը ԵՄ ստանդարտներին համապատասխանեցնելու ուղղությամբ: Նա մասնավորապես իր խոսքում անդրադարձ է կատարել սպառողների պաշտպանության ոլորտում թվային տեխնոլոգիաների կիրառմանը և անհրաժեշտ հմտություններ ունեցող մասնագիտական ներուժի ստեղծմանն ու կատարելագործմանը:
