02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Իրենց նպատակն է՝ ՀՀ-ում ժամանակավոր իշխանություն ձևավորվի, կազմակերպեն ընտրություններ, որ կեղծվեն․ ՏԵՍԱՆՅՈՒԹ
Քաղաքականություն
10.05.2024 | 17:20
«Քաղաքացիական պայմանագիր» խմբակցությունում արտահերթ ընտրություններ անցկացնելու հարց չի քննարկվում, Factor TV-ի հետ զրույցում հավաստիացրեց պատգամավոր, ՔՊ վարչության փոխնախագահ Վահագն Ալեքսանյանը։
Ըստ նրա՝ ընդդիմության միակ նպատակն այն է, որ ՀՀ-ում ժամանակավոր իշխանություն ձևավորվի, կազմակերպեն ընտրություններ և կեղծվեն։
«Ակնհայտ է, որ Նիկոլ Փաշինյանն ընտրություն չի կեղծում, դա բոլորի համար ակնհայտ ճշմարտություն է։ Հիմա Դուք ի՞նչ եք ուզում, որ լինեք ժամանակավոր պաշտոնակատար և ընտրությունները կեղծե՞ք։ Իրենց միակ նպատակը սա է, հակառակ պարագայում նրանք չկեղծված ընտրություններով ՀՀ-ում իշխանության գալ չեն կարող»,- հայտարարեց Ալեքսանյանը։
Հիշեցնենք, որ վերջին շրջանում ԱԺ նախագահ Ալեն Սիմոնյանը երկու անգամ ընդդիմությանն առաջարկել է մանդատները վայր դնել և արտահերթ ընտություններ անցկացնել։ Արտահերթ ընտրությունների անցկացման վերաբերյալ Factor.am-ի հարցին ի պատասխան «Հայաստան» խմբակցության պատգամավոր Արթուր Խաչատրյանն ասել էր, որ կգնան արտահերթ ընտրության, բայց պայմանով, որ Նիկոլ Փաշինյանը վարչապետի պաշտոնակատար չլինի։
Մանրամասները՝ տեսանյութում։
