11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Բախումներ քաղաքացիների և սևբերետավորների միջև՝ Կիրանցում
Քաղաքականություն
26.04.2024 | 22:44
Կիրանցում լարված իրավիճակ էր, ոստիկանության զորքերը, սևբերետավորները ուժի գործադրմամբ փորձել են բացել ճանապարհը։ Ճանապարհն արդեն օրեր շարունակ փակած բնակիչներն արգելափակել են այստեղ մոտ երկու ժամ առաջ ժամանած առանց պետհամարանիշի մեքենան, որում ըստ տեղացիների կասկածների՝ քարտեզագիրներ են։
«Ազատություն» ռադիոկայանի փոխանցմամբ՝ բնակիչներն ի սկզբանե կասկածել են, որ մեքենայում կարող են ադրբեջանցիներ լինել, սակայն նրանցից մեկին թույլատրվել է մոտենալ մեքենային, ինչից հետո նա հայտարարել է, որ այնտեղ քարտեզագիրներ են, սակայն երևալ չեն ցանկանում։
Հավաքվածները, սակայն, պնդել են, որ պետք է տեսնեն՝ ովքեր են մեքենայի մեջ։ Տեղացիներից ոմանք պատմել են, որ մինչև այստեղ բախումներ էին քաղաքացիների ու ոստիկանների միջև, մեքենայից ոմանք հեռացել են։
Տավուշի թեմի առաջնորդ Բագրատ արքեպիսկոպոս Գալստանյանը ևս ասել է, որ մարդիկ այլևս այդ մեքենայի մեջ չեն։
«Ուղերձը ստացել եք դուք՝ այն անվստահությունը, որ դուք ունեցել եք, մենք ունեցել ենք, ևս մեկ անգամ հաստատվել է։ Դա ամենակարևորն է, բայց դուք ձեր հայրենիքի, ձեր օջախի տերն եք 100 տոկոսով», – ասել է նա։
Այլ մեքենաների ելքը նույնպես փակ է։ Բագրատ սրբազան Գալստանյանը հորդորել է ճանապարհը բացել դատարկ մեքենաների համար: Ավելի վաղ նա արձանագրել էր, որ մեքենայի մեջի մարդը/մարդիկ հեռացել են։
