16.12.2025 | 17:26
Պեսկովը հայտարարել է, որ Ռուսաստանը ոչ թե ցանկանում է հրադադար, այլ լիարժեք խաղաղություն
Նոր երկրներ կմիանան Հայոց ցեղասպանությունը ճանաչած և դատապարտած երկրների խմբին․ Ռուբեն Սաֆրաստյան. ՏԵՍԱՆՅՈՒԹ
Քաղաքականություն
24.04.2024 | 19:29
Հայ ժողովուրդը հետևողականորեն պայքարել է Հայոց ցեղասպանության ճանաչման և դատապարտման համար, այս պայքարը տվել է իր արդյունքները, և պետք է այն շարունակել։ Factor TV-ի հետ զրույցում նման կարծիք է հայտնում թուրքագետ և ակադեմիկոս Ռուբեն Սաֆրաստյանը։ Սաֆրաստյանը նշում է՝ Հայոց ցեղասպանության ճանաչմանն ու դատապարտմանը նպաստում են Սփյուռքում գործող հայ համայնքները և ապագայում Հայոց ցեղասպանությունը կդատապարտեն նաև այնպիսի երկրներ, որոնք շատ հեռու են ցեղասպանության խնդրից։
«Պետք է այստեղ տարվի նպատակասլաց աշխատանք և ներկայացվի, որ Հայոց ցեղասպանության ճանաչումն ու դատապարտումը ոչ միայն պատմական իրողության ճանաչումն է, այլ նաև այդպիսով քայլ է արվում դեպի ապագա ցեղասպանությունների կանխարգելումը։ Կարծում եմ՝ այդ բնագավառում կտեսնենք, որ նոր երկրներ կմիանան Հայոց ցեղասպանությունը ճանաչած ու դատապարտած երկրների խմբին »,- ասել է թուրքագետը։
Սաֆրաստյանը նաև նշում է՝ Թուրքիան կփորձի ներազդել մեր պատմական հիշողության վրա, ջնջել պատմության մեր այդ հատվածը, որը մարտահրավեր է, և պետք է դրան դիմակայել։
Մանրամասները՝ տեսանյութում։
Անի Թամրազյան
