11.08.2026 | 14:38
Չկա երաշխիք, որ նոր Սահմանադրության ընդունման դեպքում էլ Ադրբեջանը նոր պահանջներ չի դնի. Պողոսյան. ՏԵՍԱՆՅՈՒԹ
Ղրղզստանի երեք շրջաններում ցեխահոսքի պատճառով արտակարգ դրություն է սահմանվել
Քաղաքականություն
23.04.2024 | 23:03
Ղրղզստանի երեք շրջաններում արտակարգ դրություն է սահմանվել, հայտնել է արտակարգ իրավիճակների նախարարի տեղակալ Ուրմատբեկ Շամիրկանովը, գրում է Կոմերսանտը։
ԱԻՆ տվյալներով՝ երեք օրվա ընթացքում Ղրղզստանում գրանցվել է ավելի քան 40 սելավ։ Ապրիլի 20-ից անդադար անձրևների պայմաններում դրանք ծածկել են Օշի, Բատկենի, Ջալալ-Աբադի և Թալասի շրջանների տասնյակ բնակավայրեր։ Օշի շրջանում ջրի տակ է անցել 171 տարածք, Ջալալ-Աբադի շրջանում՝ 122 ։ Թալասի շրջանում հեղեղվել է 202 բնակելի շենք և հողամաս։
Ապրիլի 23-ին արտակարգ դրություն է մտցվել Ղրղզստանի Թալաս և Ջալալ Աբադ շրջաններում։ Օշի շրջանում այն երեկ էր սահմանվել։ Սելավի հետևանքների վերացման աշխատանքներ իրականացնելու համար ներգրավվել է 508 մարդ և 82 միավոր տեխնիկա, հայտնում է ԱԻՆ-ը։
Ամենածանր իրավիճակն Ալայ շրջանի Թոգուզ-Բուլակ գյուղում է. ցեխահոսքերը հեղեղել են փողոցները։ Կարա-Կուլջա թաղամասում՝ Միրզա-Աքե-Կարա-Կուլժա-Ալայկուու ավտոճանապարհի 41-րդ կմ-ին, սելավը քշել է ավտոմեքենա, որում եղել են տղամարդ, երկու կին և մեկ երեխա։ Տեղի բնակիչները կարողացել են փրկել կանանց ու երեխային, սակայն վարորդին հոսքը քշել է։
Որոնողական աշխատանքների արդյունքում տղամարդու դիակը հայտնաբերվել և փոխանցվել է հարազատներին։ Սելավից բոլոր տուժածներին օգնություն կտրամադրվի, ասել է երկրի նախագահի մամուլի քարտուղար Ասկատ Ալագոզովը։
