10.08.2026 | 11:19
Արամ Վարդևանյանին ԱԺ փոխնախագահ ընտրելու քվեարկությունը սկսվեց. ՈՒՂԻՂ
Թուրք-հունական լարվածություն Էգեյան ծովում
Քաղաքականություն
23.08.2018 | 11:18
Էգեյան ծովում միջադեպ է տեղի ունեցել Հունաստանի առափնյա անվտանգության ուժերի և թուրք ձկնորսների միջև։ Վերջիններիս վկայությամբ՝ հունական կողմն իրենց նավի ուղղությամբ մարտական զենք է պահել և պահանջել, որ տարածքից հեռանան։ Թուրք ձկնորսների խոսքերով, իրենք ցանկանում էին Էգեյան ծովի միջազգային ջրերում ձկնորսություն անել. փոխանցում է ermenihaber-ը:
Ձկնորսներից մեկն այդ ամենը տեսանկարահանել է, ինչից հետո հունական կողմն իջեցրել է զենքերը, սակայն շարունակել է նախազգուշացումներ անել։
Թուրքական աղբյուրի պնդմամբ՝ միջադեպը գրանցվել է այն պահին, երբ թուրք ձկնորսները հունական Սամոս և Էշեք (հուն. Ագաթոնիսիոն) կղզիներից գտնվում էին 6 և 4կմ հեռավորության վրա։
Ըստ հունական կողմի՝ թուրք ձկնորսները չափազանց մոտ էին գտնվել Հունաստանին պատկանող ջրերին և կղզիներին։
Նույն թուրքական աղբյուրը նաև տեղեկացնում է, որ Էգեյան ծովում թուրք-հունական ևս մի միջադեպ է գրանցվել։ Հունաստանի առափնյա անվտանգության ուժերը ռետինե փանփուշտներով կրակ են բացել թուրքական ձկնորսական մոտորանավի վրա, ինչի հետևանքով մոտորանավակի ապակիները կոտրվել են։ Այդ միջադեպը նույնպես նկարահանվել է։
Վերջին միջադեպի մասին այլ մանրամասներ չեն հաղորդվում:
