14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Արցախցիների արտագաղթ․ 8 800 բռնի տեղահանված մեկնել է Հայաստանից ու չի վերադարձել. ՏԵՍԱՆՅՈՒԹ
08.04.2024 | 20:35
Քրիստինա Ծատուրյանը երկու շաբաթ առաջ է տեղափոխվել Կրասնոդար։ Միայնակ մայրը 2023-ի սեպտեմբերի 19-ի ադրբեջանական ագրեսիայի հետևանքով բռնի տեղահանվել էր Ստեփանակերտից․ վեց ամիս Երևանում ապրելուց հետո ստիպված է եղել հեռանալ Հայաստանից։ Մասնագիտությամբ կոսմետոլոգ է, ասում է՝ կես տարվա մեջ հազիվ 20 հաճախորդ է ունեցել։ Նրա խոսքով՝ ՌԴ-ում հարազատներ չունեն, բայց ռիսկի դիմեց ու ծնողների և մեկ տարեկան երեխայի հետ մեկնեց, քանի որ Երևանում չէր կարողանում իր աշխատանքով տան վարձ տալ և այլ ծախսերը հոգալ։
Ի՞նչ է անում ՀՀ կառավարությունը բռնի տեղահանվածների արտագաղթը կանխելու համար․ վարչապետը տարբեր առիթներով նշել է, որ գործադիրը պետք է ջանքեր գործադրի այս ուղղությամբ։
Իշխող «Քաղաքացիական պայմանագիր» կուսակցության պատգամավոր Լիլիթ Մինասյանի խոսքով՝ այժմ կառավարությունն ուսումնասիրություն է իրականացնում արցախցիների մեկնելու շարժառիթները հասկանալու, մեկնելու պատճառները գույքագրելու և կանխելու համար։
Մինասյանը վստահ է, որ արցախցիների համար կառավարության կողմից իրականացվող երկարաժամկետ ծրագրերը նպաստելու են, որ բռնի տեղահանվածները հիմնական բնակություն հաստատեն, այլ ոչ թե լքեն Հայաստանը։
«Վերադարձ դեպի Դիզակ» ՀԿ գործադիր տնօրեն Մարգարիտա Քարամյանը, սակայն, ընդգծում է՝ կառավարության կողմից իրականացվող սոցիալական ծրագրերը լիարժեք չեն աշխատում։ Մարգարիտա Քարամյանը մտավախություն ունի, որ արտագաղթի տեմպերը կահագնանան հատկապես ամռանը՝ ուսումնական տարվա ավարտին։
ՀՀ ազգային անվտանգության ծառայությունից Factor.am-ի գրավոր հարցմանն ի պատասխան՝ հայտնել են, որ մարտի 26-ի դրությամբ՝ Արցախից բռնի տեղահանված 14,764 քաղաքացի է մեկնել Հայաստանից, վերադարձել է 5,982-ը։ Այսինքն՝ գրեթե 8,800 քաղաքացի մեկնելուց հետո մինչև այսօր Հայաստան չի վերադարձել։
Մանրամասները՝ տեսանյութում։
Անի Թամրազյան
