Factor TV-ի հրապարակումից հետո «կալանքի դատարանի» ռեզերվային դատավորներ Դավիթ Արղամանյանն ու Արտյոմ Ավետիսյանը վերանշանակվել են Երևանի և Շիրակի դատարաններում

Հասարակություն

08.04.2024 | 20:10

Լուրեր

23.11.2024 | 12:56

Երկրաշարժ Ադրբեջանում․ այն զգացվել է նաև Սյունիքի մարզում՝ 3-4 բալ ուժգնությամբ

23.11.2024 | 12:34

ԱԺ պատգամավորներ կգործուղվեն Մոսկվա

23.11.2024 | 12:24

Իմ պատասխանը երկուշաբթի կհրապարակեմ. Հովիկ Աղազարյանը` մանդատը վայր դնելու մասին

23.11.2024 | 12:12

Վերադարձի՛ր շարք․ ՊՆ սոցիալական հոլովակը

23.11.2024 | 11:55

Բիոմետրիկ ծառայություններ՝ աշխարհահռչակ բիոտեխնոլոգիական, դեղագործական ընկերություններին. Մխիթար Հայրապետյանն այցելել է «Գուրուս» ընկերություն

23.11.2024 | 11:23

Արտարժույթների փոխարժեքները՝ նոյեմբերի 23-ի դրությամբ

23.11.2024 | 11:00

Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ

23.11.2024 | 10:41

ՀՀ տարածքում ավտոճանապարհներն անցանելի են

23.11.2024 | 10:19

Քյարամյանի մտերիմը` ՔԿ նախագահ. ո՞վ է Արթուր Պողոսյանը

23.11.2024 | 10:02

Տիգրան Ավինյանի գլխավորած պաշտոնական պատվիրակությունը մեկնել է ԱՄՆ

23.11.2024 | 00:35

Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ

23.11.2024 | 00:30

«Արևմտյան Ադրբեջանը» մեզ է գրգռում, բա չե՞նք մտածում, որ «Արևմտյան Հայաստանն» էլ ուրիշներին է գրգռում. Փաշինյան. ՏԵՍԱՆՅՈՒԹ

23.11.2024 | 00:16

Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ

23.11.2024 | 00:12

Կարելի է գնալ նման գործարքի,եթե կնքվի պայմանագիր. Փաշինյանը՝ Ադրբեջանի դեմ հայցերից հրաժարվելու մասին. ՏԵՍԱՆՅՈՒԹ

23.11.2024 | 00:04

Վթար Երևան քաղաքի Տիչինայի փողոցում․ կան հոսպիտալացվածներ

Բոլորը

2023-ի տարեսկզբին օրենսդրական փոփոխությունների հետևանքով ռեզերվային կարգավիճակ ստացած «Կալանքի դատարանի» դատավորներ Դավիթ Արղամանյանն ու Արտյոմ Ավետիսյանը վերանշանակվել են համապատասխանաբար Երևանի և Շիրակի մարզի ընդհանուր իրավասության դատարաններում: Այս մասին տեղեկանում ենք Բարձրագույն դատական խորհրդի կայքից:

«Հիմք ընդունելով Բարձրագույն դատական խորհրդի 2024 թվականի ապրիլի 4-ի թիվ ԲԴԽ-36-Ո-90 որոշումը, Հանրապետության նախագահի 2024 թվականի ապրիլի 8-ի թիվ ՆՀ-100-Ա հրամանագիրը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 56-րդ հոդվածի 4-րդ, 114-րդ հոդվածի 2-րդ մասերով և 94-րդ հոդվածի 1-ին մասով` Բարձրագույն դատական խորհուրդը որոշում է.

Արձանագրել, որ Երևան քաղաքի առաջին ատյանի ընդհանուր իրավասության քրեական դատարանի ռեզերվային դատավոր Դավիթ Մհերի Արղամանյանը 2024 թվականի ապրիլի 8-ից շարունակում է պաշտոնավարել որպես Երևան քաղաքի առաջին ատյանի ընդհանուր իրավասության քրեական դատարանի դատավոր»,- ասված է ԲԴԽ որոշման մեջ, որում արձանագրված է նաև, որ Դավիթ Արղամանյանի ռեզերվային կարգավիճակը համարվում է դադարած:

Նույնաբովանդակ մեկ այլ որոշմամբ էլ արձանագրվել է Արտյոմ Ավետիսյանի՝ Շիրակի մարզում պաշտոնավարումը շարունակելու և նրա ռեզերվային կարգավիճակը դադարած համարելու հանգամանքը:

Հիշեցնենք, որ Factor TV-ն ապրիլի 2-ին հրապարակել էր «Ինչպես առանց աշխատելու աշխատավարձ ստանալ. մեկ տարում 113 միլիոն՝ «Կալանքի դատարանի» դատավորներին» տեսանյութը, որում անդրադարձել էինք այն հարցին, որ «կալանքի դատարանի» ռեզերվային կարգավիճակ ստացած 14 դատավորից երկուսը՝ Դավիթ Արղամանյանն ու Արտյոմ Ավետիսյանն արդեն 1 տարի, երկու ամիս է՝ չեն աշխատում ու պետությունից առանց աշխատելու աշխատավարձ են ստանում: Այժմ, փաստարեն, Դավիթ Արղամանյանն ու Արտյոմ Ավետիսյանը վերանշանակվել են ու այսուհետ աշխատանք կատարելով աշխատավարձ կստանան:

Արաքս Մամուլյան