08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
Բրյուսելյան եռակողմ հանդիպմանը անվտանգային թեմաներ չեն քննարկվել. Միրզոյան
Քաղաքականություն
07.04.2024 | 00:03
Բրյուսելյան հանդիպումը կարևոր գործընթացի մի մաս էր, քննարկումների սեղանին ռազմական բաղադրիչ չի եղել. այս մասին Հանրային հեռուստաընկերության եթերում ասաց ՀՀ արտաքին գործերի նախարար Արարատ Միրզոյանը։
«Երբևէ այսպիսի ձևաչափով ԱՄՆ-ԵՄ-ՀՀ հանդիպում չէր եղել, համենայնդեպս ՀՀ-ի հետ հարաբերությունների առումով։ Այս հանդիպումը չափազանց կարևոր հանգրվան էր Միացյալ Նահանգների և ԵՄ-ի հետ մեր հարաբերությունների խորացման գործընթացի համատեքստում։ Սա ո՛չ սկիզբն էր, ո՛չ էլ ամենևին ավարտը, այլ կարևոր հանգրվան, գործընթացի կարևոր մաս»,– ասաց արտգործնախարարը:
Նրա խոսքով` Հայաստանը սերտացնում է հարաբերությունները թե՛ ԱՄՆ-ի, թե՛ ԵՄ-ի հետ։
«Ապրիլի 5-ին կայացած հանդիպման համատեղ արդյունքներով հստակ ուղղություններ են նշվում, որոնք մեզ համար չափազանց կարևոր են` ՀՀ ինքնիշխանության և տարածքային ամբողջականության սատարումից սկսած, որը ամենակարևոր քաղաքական հայտարարությունն էր, ինչի կարիքը, իսկապես, այսօր ունենք»,– նշեց նախարարը։
Միրզոյանը շեշտեց, որ հանդիպման ժամանակ անվտանգային թեմաներ չեն քննարկվել, քննարկումների սեղանին ռազմական բաղադրիչ չի եղել:
«Այնուամենայնիվ, ինչի մասին խոսում ենք, նաև երկրի դիմակայունության ավելացման մասին է, որը նաև անվտանգային դիմակայունություն է դառնում»,– ասաց նա։
