30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ ԱԴԾ-ն հայտարարել է «Կրոկուս»-ում ահաբեկչության ևս 3 հանցակցի ձերբակալելու մասին
Քաղաքականություն
04.04.2024 | 18:24
ՌԴ ԱԴԾ-ն պնդում է, որ Մոսկվայում, Եկատերինբուրգում և Օմսկում ձերբակալել է երեք մարդու, որոնք կասկածվում են «Կրոկուս սիթի հոլլ» համերգասրահում ահաբեկչություն իրականացրած անձանց օգնելու մեջ, փոխանցում է Մեդուզան։
Երկու ձերբակալվածները կասկածվում են «Կրոկուս»-ում ահաբեկչության ենթադրյալ հեղինակների համար զենք և ավտոմեքենա գնելու նպատակով գումար փոխանցելու մեջ։ Երրորդ ներգրավված անձը, ըստ ՌԻԱ Նովոստիի, կասկածվում է հանցակիցների հավաքագրելու և կատարողներին ֆինանսավորելու մեջ։
Երեք ձերբակալվածներն էլ Կենտրոնական Ասիայի տարածաշրջանից են։ Ձերբակալվածների անունները չեն հաղորդվում։
Մարտի 22-ին մի խումբ զինված անձինք կրակել կրակ են բացել, ապա հրկիզել Մոսկվայի «Կրոկուս սիթի հոլլ» համերգասրահը։ «Կրոկուսի» վրա հարձակման պատասխանատվությունը ստանձնել է «Իսլամական պետության» բջիջը, որը կոչվում է «Վիլայաթ Խորասան»:
ՌԴ իշխանությունները, մինչդեռ, պնդում են, որ ահաբեկչության հետևում կանգնած է Ուկրաինան։
Ավելի վաղ հաղորդվել էր, որ ահաբեկչության հետ կապված տասը մարդ է ձերբակալվել, այդ թվում՝ չորս ենթադրյալ անմիջական հեղինակները։
