25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
Բաքուն փորձում է դուրս գալ ռումինական էներգետիկ շուկա
01.04.2024 | 22:27
Ադրբեջանի նախագահ Իլհամ Ալիևն ընդունել է Ռումինիայի էներգետիկայի նախարար Սեբաստիան Իոան Բուրդուժային, որը Բաքու է ժամանել՝ մասնակցելու տնտեսական համագործակցության միջկառավարական հանձնաժողովի 8-րդ նիստին, գրում են ադրբեջանական լրատվամիջոցները։ Հանդիպմանը կողմերն ընդգծել են, որ Բաքվի և Բուխարեստի միջև «ռազմավարական գործընկերություն է հաստատվել, և համագործակցությունն ընդլայնվում է բոլոր ոլորտներում»։
Ալիևն անդրադարձել է Ադրբեջանից բնական գազի արտահանման խնդրին։ Ասվել է, որ հեղուկ գազի, կանաչ էներգիայի և գազի մատակարարման շուրջ քննարկումները շարունակվում են, և Ադրբեջանը ձգտում է դուրս գալ ռումինական էներգետիկ շուկա։
Հանդիպման ընթացքում ընդգծվել է նաև առևտրատնտեսական կապերի զարգացումը։ Այսպես, անցյալ տարի երկրների միջև ապրանքաշրջանառությունն աճել է գրեթե 30%-ով՝ հասնելով 670 մլն դոլարի։
Ակտիվացել է համագործակցությունը նաև ներդրումային ոլորտում։ Նշվել է SOCAR-ի շատ ակտիվ գործունեությունը Ռումինիայում և նրա «նշանակալի տեղը» այս երկրի վառելիքի շուկայում։
