06.08.2026 | 20:57
Գոռավան բնակավայրում մանկապարտեզ կկառուցվի
«Armenia»-ն «Romania»-ի հետ շփոթելու և ազգային ինքնության մասին. ապաքաղաքական զրույց Արայիկ Մանուչարյանի հետ. ՏԵՍԱՆՅՈՒԹ
Հաղորդաշարեր
31.03.2024 | 21:00
Factor TV-ի A-politic հաղորդաշարի հյուրն է քաղաքական խորհրդատվության միջազգային փորձագետ Արայիկ Մանուչարյանը:
Երկար տարիներ ապրելով Գերմանիայում՝ նա արձանագրում է, որ այդ երկրում ազգային ինքնության ընկալումը տարբերվում է, մասնավորապես, Միացյալ Նահանգներից: Գերմանիայում օտարազգին կարող է հաջողություններ ունենալ բիզնեսում, կարևոր պարշտոններ զբաղեցնել, դառնալ պատգամավոր և նույնիսկ կուսակցության ղեկավար, բայց նա երբեք չի մտնի այն նեղ շրջանակի մեջ, որը սկզբունքային, ռազմավարական որոշումներ է ընդունում:
Ըստ Արայիկ Մանուչարյանի՝ Հայաստանի բոլոր իշխանություններն անկեղծ մտահոգություններ ունեին սփյուռքահայերի՝ մեր երկրի քաղաքական և պետական կյանքին մասնակցելու վերաբերյալ, սակայն այդ մտահոգությունները ցրելու մեթոդներ կան: Փորձագետն անդրադառնում է, մասնավորապես, երկպալատ խորհրդարանի գաղափարին, երբ վերին պալատն ընդգրկում է նաև Սփյուռքի ներկայացուցիչներին: Որպես մոդել՝ նա առաջարկում է ամերիկյան ընտրական համակարգը, որտեղ գործում է ընտրիչների մեխանիզմը:
Հաղորդման հյուրի տեղեկություններով՝ 2020 թվականի պատերազմից հետո արտերկրում հայերի մեջ որոշակի լարվածություն է առաջացել: Շփումը սկսելուց առաջ նրանք փորձում են հասկանալ՝ դիմացինը «սև» է, թե՞ «սպիտակ»՝ դրա տակ տարբեր բաներ հասկանալով: Սակայն իրական չափանիշը, ըստ Մանուչարյանի, այն է, թե որքանով տվյալ անձնավորությունը կարող է օգտակար լինել Հայաստան պետությանը:
Մանրամասները՝ տեսանյութում:
Արամ Աբրահամյան
