07.10.2026 | 19:34
«Բրա՛վո»․ Նիկոլ Փաշինյանն ընդդիմադիրների հետ ծափահարեց իր մոտալուտ հրաժարականի մասին դիտարկմանը. ՏԵՍԱՆՅՈՒԹ
Օպերատիվ իրավիճակը հանրապետությունում մարտի 15-ից մարտի 18-ը
Հասարակություն
18.03.2024 | 14:01
Ըստ ոստիկանության օպերատիվ հաղորդագրությունների ամփոփագրերի՝ մարտի 15-ից մարտի 18-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 227 դեպք, որից 5-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ թմրամիջոցի հայտնաբերման՝ 28, խարդախության՝ 27, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 26, մարմնական վնասվածք պատճառելու՝ 22, ֆիզիկական ներգործության՝ 19, անձնական ունեցվածքի գողության՝ 18, հոգեկան ներգործության՝ 14, փաստաթուղթ կեղծելու՝ 8, գույքը ոչնչացնելու կամ վնասելու՝ 7, խուլիգանության՝ 5, կողոպուտի, սառը զենք կրելու և ինքնիրավաչության՝ 4-ական, բնակարանային գողության, վստահված գույքը հափշտակելու ու ծառերը, թփերը ապօրինի հատելու՝ 3-ական, մարդու առևանգման, շորթման, համակարգչային հափշտակության, զենք-զինամթերքի առգրավման ու անհետաձգելի միջամտության որոշման պահանջները խախտելու՝ 2-ական, ավազակության, պետական ունեցվածքի գողության, ապօրինի ձեռնակատիրական գործունեության, կաշառակերության, դատական ակտը չկատարելու, աշխատանքի պաշտպանության կանոնները խախտելու, բնակարանի անձեռնմխելիությունը խախտելու, հարկերը, տուրքերը կամ այլ վճարներ չվճարելու, դատավորի, դատախազի, քննիչի, հետաքննության մարմնի նկատմամբ սպառնալիքի կամ նրանց նկատմամբ բռնություն գործադրելու, անձին ապօրինի ազատությունից զրկելու, կեղծ արտարժույթի հայտնաբերման, ընդերքի պահպանման կանոնները խախտելու և ալիմենտ վճարելուց խուսափելու՝ 1-ական դեպք։
Հայտնաբերվել են 1 անհետ կորած և 14 հետախուզվող։ Կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործության դեպքերից բացահայտվել է մարմնական վնասվածք պատճառելու և անձնական ունեցվածքի գողության՝ 2-ական ու կողոպուտի՝ 1 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 32 պատահար. 1 մարդ զոհվել է, 50-ը՝ ստացել տարբեր աստիճանի մարմնական վնասվածքներ:
