07.10.2026 | 10:36
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Քաղաքացին փորձել է ինքնահրկիզվել կառավարության շենքի մոտ․ ով է նա և ինչ ակնկալիք ունի Նիկոլ Փաշինյանից
Հասարակություն
07.03.2024 | 13:30
Այսօր կառավարության շենքի դիմաց մի տղամարդ ինքահրկիզման փորձ է արել։ Factor TV-ն արձանագրեց, թե ինչպես է քաղաքացին վառելիքը լցնում իր վրա ու կրակայրիչը հանում գրպանից, ոստիկանները, սակայն, կանխեցին ինքնահրկիզման փորձը։ Ուշագրավ է, որ ոստիկաններից մեկը բենզինով ողողված քաղաքացուն մոտեցել էր ծխախոտը բերանին։
Քաղաքացին հայտարարում էր, թե թղթեր է բերել կառավարություն՝ վարչապետ Նիկոլ Փաշինյանին փոխանցելու համար։ Factor.am-ին հաջողվեց պարզել, որ այս քաղաքացին Երևանի բնակիչ Ժորա Մ․-ն է։ Նա Նիկոլ Փաշինյանին ուղղված դիմումում, որը հայտնվել է Factor.am-ի տրամադրության տակ, պնդում է, թե գյուտ ունի, որը կարող է երկիրը փրկել գլոբալ տաքացումից։ Քաղաքացին իր դիմումի մեջ նաև նշել է, որ «ԱԱԾ-ն հետապնդում է իրեն, թույլ չի տալիս փրկել աշխարհը»։ Նա հույս ունի, որ Փաշինյանը իրեն կընդունի և կաջակցի իր գործունեությանը։
ՆԳՆ խոսնակը Factor.am-ին փոխանցեց, որ դեպքով նյութեր են նախապատրաստվում։
Նարեկ Կիրակոսյան
