12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Լիտվան Բելառուսի հետ սահմանին երկու անցակետ է փակել
Քաղաքականություն
01.03.2024 | 22:14
Փետրվարի 29-ի լույս մարտի 1-ի գիշերը Լիտվան փակել է Բելառուսի հետ սահմանի ևս երկու անցակետ՝ Լավորիշսկին և Ռայգարդսկին։ Այս մասին հայտնում է LRT-ն։
Նշվում է, որ անցակետերի փակումն ուղղված է ազգային անվտանգության, մաքսանենգության, միջազգային պատժամիջոցների խախտման խնդիրների լուծմանը։
Մարտի 1-ից կդադարեցվի նաև Մեդինինկայի և Շալչինինկայի սահմանային անցակետերով հետիոտների և հեծանվորդների տեղաշարժը, իսկ Կանա և Կիբարթայ երկաթուղային սահմանային անցակետերում ուղևորների նստելն ու իջեցումը կարգելվի, բացառությամբ հատուկ դեպքերի՝ որի որոշումը կկայացնի Պետական սահմանապահ ծառայությունը։
Որոշվել է նաև 50 տոկոսով սահմանափակել ավտոբուսներով կանոնավոր միջազգային ուղևորափոխադրումներ իրականացնող բելառուսական և լիտվական փոխադրողներին տրամադրվող թույլտվությունների քանակը։
Լիտվայի ՆԳ նախարարության տվյալներով՝ անցած տարի Բելառուսի հետ պետական սահմանի ավտոմոբիլային սահմանային անցակետերը հատած քաղաքացիները ստուգվել են գրեթե 3,9 միլիոն անգամ՝ քառորդով ավելի, քան 2022 թվականին։ Ստուգված անձանց երկու երրորդը Բելառուսի քաղաքացիներ են եղել։
