24.06.2026 | 11:22
Պապոյանը ԵՄ դեսպանների հետ քննարկել է հայկական արտադրանքի արտահանման հնարավորությունները
Ալեն Սիմոնյանը՝ ՀՀ-ի Եվրամիության անդամության թեկնածու դառնալու հեռանկարի մասին
Քաղաքականություն
29.02.2024 | 18:26
ԱԺ նախագահ Ալեն Սիմոնյանն այսօրվա ճեպազրույցում դժգոհություն հայտնելով ՀԱՊԿ-ի չաշխատող անվտանգային համակարգից՝ խոսել է նաև ԵՄ-ի հետ հարաբերություններից:
Հարցին, թե Հայաստանը պատրա՞ստ է ԵՄ-ի հետ հարաբերությունները սերտացնելու, անդամության թեկնածու դառնալուն՝ Սիմոնյանը պատասխանեց.
«Միանշանակ։ Մենք պատրաստ ենք շարժվելու էն ուղղությամբ, որը մեզ առավել անվտանգություն կապահովի։ Այսօր ժողովրդավարական երկիր լինելը մեր անվտանգային ամենամեծ համակարգն է։ Աշխարհը հիմա բաժանվել է 2 մասի․ մի մասն այն է, որ ասում է՝ աշխարհակարգ գոյություն ունի, և կանոններ գոյություն ունեն, օրինակ՝ Ալմաթիի հռչակագիրը, մյուս մասն էլ ասում է՝ ուժեղի իրավունքն է գործում։ Մենք կարծում ենք՝ մեր անվտանգությունը ժողովրդավար երկիր լինելն է, ժողովրդավար համակարգի հետ առնվազն շատ սերտ աշխատելը, որովհետև մյուսը մենք չենք կարող մեզ թույլ տալ, որովհետև ո՛չ Թուրքիայից, ո՛չ Ադրբեջանից մենք ավելի ուժեղ չենք ֆիզիկապես, չենք կարող դիմակայել»։
Սիմոնյանն այնուամենայնիվ, նշեց․ չի ուզում շտապել արտաքին քաղաքական վեկտորի փոփոխության մասին հայտարարելով։
«Չեմ ուզում ստացվի, որ միակողմանի քայլ է արվում։ Մեր ցուցանիշներով շատ ավելի բարձր են, քան շատ գործընկեր այլ երկրներ, որոնք ԵՄ անդամ են։ Մենք այդ ուղղությամբ պետք է մտածենք։ Բայց չեմ ուզում շտապենք, որովհետև պետության պարագայում կտրուկ շարժումներ անելը լավ չէ»,- եզրափակեց Ալեն Սիմոնյանը։
