27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՌԴ-ն կտրականապես չի ընդունում ՀՀ-ի կշտամբանքները ՀԱՊԿ-ի վերաբերյալ․ Զախարովա․ ՏԵՍԱՆՅՈՒԹ
Քաղաքականություն
28.02.2024 | 16:35
Ռուսաստանը Հայաստանին համարում է ՀԱՊԿ լիիրավ անդամ՝ չնայած կազմակերպության աշխատանքներին Երևանի մասնակցությունը սառեցնելու մասին վարչապետ Նիկոլ Փաշինյանի հայտարարություններին։ Այս մասին իր ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Ավելի վաղ Փաշինյանը հայտարարել էր, որ ՀԱՊԿ չի կատարել Հայաստանի նկատմամբ իր պարտականությունները, և Երևանը սառեցրել է իր մասնակցությունը կազմակերպությանը։
«Մենք կտրականապես չենք ընդունում Հայաստանի իշխանությունների կշտամբանքները 2021-2022 թվականներին տարածաշրջանում տեղի ունեցած հայտնի իրադարձությունների ժամանակ ՀԱՊԿ-ի կողմից Երևանի նկատմամբ իր մանդատը և պարտավորությունները, իբր, չկատարելու վերաբերյալ։ Հիշեցնենք, որ 2022 թվականի սեպտեմբերին հայկական կողմի խնդրանքով օպերատիվ կերպով կազմավորվել և երկրի սահմանամերձ շրջաններ է ուղարկվել կազմակերպության քարտուղարության և միասնական շտաբի գնահատման առաքելություն, որի արդյունքում պատրաստվել է որոշում ՀԱՊԿ Հավաքական անվտանգության խորհուրդը՝ Հայաստանում դիտորդական առաքելություն տեղակայելու վերաբերյալ, մենք և ՀԱՊԿ մյուս անդամները մեղավոր չեն, որ այս որոշումը մերժվեց Հայաստանի իշխանությունների կողմից»,- ասել է Զախարովան։
Նա հավելել է, որ ՌԴ-ն Հայաստանին ՀԱՊԿ լիակատար անդամ է համարում։
«Մենք ելնում ենք այն բանից, որ Հայաստանի Հանրապետությունը շարունակում է մնալ ՀԱՊԿ-ի լիիրավ անդամ՝ այս կարգավիճակից բխող բոլոր իրավունքներով և պարտավորություններով, միևնույն ժամանակ, ցավով նշում ենք, որ կազմակերպության միջոցառումներին Երևանի մասնակցության դինամիկան նվազել է»,- ասել է ռուս պաշտոնյան։
Մանրամասները՝ տեսանյութում:
