01.11.2024 | 23:19
Հրդեհ Գյումրու տներից մեկում
ՆԱՏՕ-ն չի պատրաստվում զորքեր ուղարկել Ուկրաինա․ Ստոլտենբերգ
Քաղաքականություն
27.02.2024 | 18:25
ՆԱՏՕ-ի գլխավոր քարտուղար Յենս Ստոլտենբերգը Associated Press-ին ասել է, որ դաշինքը մտադիր չէ իր զինվորականներին ուղարկել Ուկրաինա, գրում է BBC-ի ռուսական ծառայությունը։
Ստոլտենբերգն ասել է, որ «ՆԱՏՕ-ի դաշնակիցներն աննախադեպ աջակցություն են ցուցաբերում Ուկրաինային», սակայն ուկրաինական տարածքում ՆԱՏՕ-ի զորքեր տեղակայելու պլաններ չկան»։
«Մենք դա անում ենք 2014 թվականից և ակտիվացել ենք լայնամասշտաբ ներխուժումից հետո: Բայց ուկրաինական տարածքում ՆԱՏՕ-ի զորքեր տեղակայելու պլաններ չկան»,- ասել է նա։
Գերմանիայի կանցլեր Օլաֆ Շոլցը նույնպես բացառել է, որ եվրոպական երկրներն ու ՆԱՏՕ-ի անդամները ցամաքային զորքեր կուղարկեն Ուկրաինա։
Հիշեցնենք, որ Ֆրանսիայի նախագահ Էմանուել Մակրոնը Փարիզում եվրոպացի առաջնորդների հանդիպումից հետո հայտարարել էր, որ պատերազմում Ռուսաստանի նկատմամբ հաղթանակին հասնելու համար չի բացառվում ցամաքային ուժերի ուղարկումն Ուկրաինա։
