12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Ուկրաինան անցած գիշեր 14 ԱԹՍ է խոցել և մեկ թևավոր հրթիռ
Քաղաքականություն
12.02.2024 | 11:12
Ուկրաինայի Զինված ուժերի մամուլի ծառայությունը հայտնում է, որ փետրվարի 12-ի գիշերը ռուսները ուկրաինական թիրախների ուղղությամբ արձակել են 17 անօդաչու թռչող սարք, մեկ օդային թևավոր հրթիռ և չճշտված թվով հրթիռներ С-300 համակարգերից, գրում է BBC-ի ռուսական ծառայությունը։
«Խմելնիցկիի, Վիննիցայի, Կիրովոգրադի, Նիկոլաևի, Դնեպրոպետրովսկի և Զապորոժիեի շրջաններում ոչնչացվել է 14 «շահեդ» և մեկ «X-59» կառավարվող հրթիռ»,- հայտնում է Ուկրաինայի Զինված ուժերի մամուլի ծառայությունը Telegram-ում։ Թևավոր հրթիռը, ինչպես նշում են ուկրաինացի զինվորականները, արձակվել է Զապորոժիեի շրջանի օկուպացված հատվածով թռչող ինքնաթիռից։ Ուկրաինացի զինվորականները ոչինչ չեն հայտնում հրթիռային հարվածների հետևանքների և չխոցված երեք «շահեդների» մասին։
