07.10.2026 | 11:12
«Արմավիր» ՔԿՀ-ում դրոնով 6 բջջային հեռախոս է փորձ արվել փոխանցել
Ժողովրդավարական Եվրոպայի անունից շնորհավորեք բռնապետին, և սա հայերի նկատմամբ էթնիկ զտումներից 5 ամիս անց․ Ժան-Քրիստոֆ Բուիսոնը՝ Շառլ Միշելին
Քաղաքականություն
09.02.2024 | 14:46
Ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնը X-ում արված գրառմամբ անդրադարձել է Եվրոպական խորհրդի նախագահ Շառլ Միշելը շնորհավորանքին՝ ուղղված Իլհամ Ալիևին։
«Ժողովրդավարական Եվրոպայի անունից շնորհավորեք բռնապետին, որը «վերընտրվել» է 92%-ով մի երկրում, որտեղ հակառակորդները կա՛մ աքսորված են, կա՛մ բանտում են, կա՛մ գերեզմանոցում։ Եվ սա` հայերի նկատմամբ էթնիկ զտումներից 5 ամիս անց.․․ Ամոթը չէ, որ խեղդում է Շառլ Միշելին»,- գրել է Բուիսոնը՝ կցելով Շառլ Միշելի շնորհավորական ուղերձը։
Միշելը շնորհավորել էր Ալիևին նախագահի պաշտոնում վերընտրվելու կապակցությամբ՝ նշելով, որ քննարկել են նաև ԵՄ-Ադրբեջան հարաբերություններն ու համագործակցությունը, ներառյալ՝ հաղորդակցությունը և էներգետիկան:
«Առարկայական քննարկումներ ենք անցկացրել նաև Հայաստան-Ադրբեջան կարգավորման վերաբերյալ։ Ողջունում եմ Ադրբեջանի հանձնառությունը՝ վերսկսելու Բրյուսելյան գործընթացի շրջանակում եռակողմ հանդիպումը՝ հասնելու կայուն և բարգավաճ Հարավային Կովկասի»,- մասնավորապես գրել էր ԵԽ նախագահը՝ ընդգծելով ԵԱՀԿ ԺՀՄԻԳ-ի հետ համագործակցության շարունակականության կարևորությունը:
Մինչդեռ ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) դիտորդական առաքելության հայտարարության մեջ նշված է, որ Ադրբեջանում ընտրություններն անցել են լրջագույն խախտումներով։
Անահիտ Խաչատրյան
